Beiträge zur Genealogie der adligen Geschlechter 3 (Strange)/058
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 2 | Heft 3 | 4 5 6 7 8 9 10 11 12 | |
| Glossar | |
| GenWiki E-Book | |
| <<<Vorherige Seite [057] |
Nächste Seite>>> [059] |
| |
| Hilfe zur Nutzung von DjVu-Dateien | |
| Texterfassung: fertig | |
| Dieser Text wurde zweimal anhand der angegebenen Quelle korrekturgelesen.
| |
van Rymptzheym vurges. vur mich Inde vur elsin min eliche wuf Inde vur mine eruen, min Ingesegil ayn desin breyf gehangen, Inde vuyr dey gesworen van Lintwilre, da dat guyt gelegen is Inde wir herman Clinkart henrich Inde Johan voyrges. gesworen zu Lintwilre, want wir hey ouer, inde hey ayne geweyst sun, inde vnse vrkunde genomen hayn dat sich Junchirre Ruytger van Rymptzheym, inde Juncfrauwe Else intherft haynt inde ere eruen, Inde Irsame lude, wilheym phylips Sun inde elsin sun eliche wuf inde ere eruen geerft hayn vurgenant, Inde wilheym Else inde ere eruen Junchirre Ruytgere Elsen syme elichen wiue eren eruen genade gedayn dat sunt alwege erflichen inde ewelichen weder geldin mogen so wey id vurgeschreuen steyt in deysme breyue, Want wir seluer ingeyn ingesegil in hayn, so bekennen wirt wayr in vaste inde Stade vnder ingesegille Junchir Ruytgers van Rymptzheym zu eynre mirre wareyde alle deyser vurges. Punte, Alle argelist vs genomen id sy geystelichs reygtz of werentlichs in gudin Truwen Datum anno domini M.CCC.LXV. In Octauo beati Martini episcopi hyemalis
8. Kaufbrief über das Ringsheimer Gut zu Lindweiler für Canonicus Teilgin von Deynsbur v. J. 1406.
Ich Geirt wilne elige wyff Johans van Boich deme Got genade Ind Johan van Gundersdorp elige son Johans van Nedecken deme man spricht der lange Henken deme got genade Ind Fiha myn elige wyff doyn kunt allen luden dye diesen brieff soullen seyn off hoeren leysen dat wir myt guedme moitwillen ind vurdachten rade vmb vns kenlichen nutz willen merre schaden zo erweren eyndreichtlichen ind sementlichen verkoufft hain Ind verkouffen rechten erffs kouffs vur vns ind vur vnse eruen, deme Eirberen manne Juncker Teilgin van Deynsbur Canungh zu Munster in Eyfflen alsulchen houff erue ind guyt myt alle syme zobehoir as wir hain zu Lintwilre geleigen, leyn luden, pantguyt eygenguyt Ind wat dar in gehoirich is, neit da an vssgescheiden Cleyn noch groes dat genant is Ryntzheymer guyt vmb eyne summa van Gelde der vns wail genoicht dye vns de Egenante Juncker Teilgin zu vnsme nutze ind vrber gutlichen ind wail bezailt hait Ee dys