Beiträge zur Genealogie der adligen Geschlechter 3 (Strange)/057
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 2 | Heft 3 | 4 5 6 7 8 9 10 11 12 | |
| Glossar | |
| GenWiki E-Book | |
| <<<Vorherige Seite [056] |
Nächste Seite>>> [058] |
| |
| Hilfe zur Nutzung von DjVu-Dateien | |
| Texterfassung: fertig | |
| Dieser Text wurde zweimal anhand der angegebenen Quelle korrekturgelesen.
| |
6. Herzog Reynart befreit das Jungfrauen-Gut zu Lindweiler von zwölf Gulden im J. 1396.
Wir Reynart van Gulche ind van Gelre Here zo Munster in eyffelen bekennen vns alsulch erue ind goet as theilgin van deinsbur hatt. Dat zo lintwilre gelegen is vur zweilff gulden dat der Junffrauwen goet heischt. dat vrien wir eme ind synen eruen als lange as sy it in eirre hant hauent van allen sachen Dys zo vrkunde han wir vnse Sigel an diesen breiff doen hangen de gegeuen wart In den Jairen vns Heren dusent druhundert Seiss ind nuntzich Jaer up alre leuer Heilgen dach
7. Rutger von Ringsheim verkauft sein Erbe und Gut zu Lindweiler einem Scheffen zu Münstereifel im J. 1365.
Kunt su allen luden, dat Ich Ruytger van Rymptzheym, Inde Else min eliche wuf, samender hant inde mit vnsme gudin willen verkoyft hayn, inde verkofen eyme Irsamen manne, Wilheym Philiptz munkartz Soyne burgere inde Scheffin zu moynstere in eyfelin, Elsin syme elichen wiue, inde eren eruen, inde heldere dys breyfs mit eren willen hoyfs guyt, Erue, gulde, neyt vs geschedin ho inde deyf so wey id zu Lintwilre gelegen is in alme syme reygte vmbe anderhalf hundert marc Colsz pamgamentz so wey sy genge inde geue sint dey vns wayl bezaylt sint, Inde hayn eym dat guyt erue inde gulde up gedragen ouermitz Hermans genant Clinkartz Henrichs genant der Duuil inde Johans genant Zymmermans Sun, gesworen zu Lintwilre, mit halme inde mit munde, inde dat ouermitz vrkunde vnser intherft inde sy geerft in godin Truwen Sunder alre leye argelist, Her in bouen so haynt sy vns genade gedayn inde gunst dat wir alle wege inde vmmerme inde vnse eruen dat guyt, erue inde gulde zu Lintwilre vurgeschreuen weder geldin mogen up sente mertins dach in deme wintere mit anderhalf hundert markin pennincgen so wey sy vurgeschreuen steynt, mit der guldin, nutz, geways inde vrbair des guytz zu Lintwilre des Jairs as voyrgeschreuen steyt, Sunder weder sprage, wilheyms, eisin sins elichen wufs, sinre eruen, of helder dys breyfs mit eren willen In vrkunde inde stadicheide alle deser vurges. wareyde so hayn Ich Ruytgere