Beiträge zur Genealogie der adligen Geschlechter 3 (Strange)/048
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 2 | Heft 3 | 4 5 6 7 8 9 10 11 12 | |
| Glossar | |
| GenWiki E-Book | |
| <<<Vorherige Seite [047] |
Nächste Seite>>> [049] |
| |
| Hilfe zur Nutzung von DjVu-Dateien | |
| Texterfassung: fertig | |
| Dieser Text wurde zweimal anhand der angegebenen Quelle korrekturgelesen.
| |
mynre eruen as yn des noit gebueren wurde, vyssgescheiden so wat yn got ind der hillige kirchoff vurder geuen wurde dat yre dat gedyen ind volgen sall sonder wederrede Vort were sache dat sulche geburt van myr Engelbrecht ind mynre nae eliger huysfrauwen geschaffen eyne off me bestaedt off verhylichet wurden ind na doide myn Engelbrechtz afflyuich wurde sonder lyffseruen, so wat asdan van der afflyuiger geburt also erveylle ind ersturue dat sall vallen ind ersteruen an myne Engelbrechtz kyndere van mynen huysfrauwen beide vur ind na geschaffen Ouch were sache dat Johan Huerte der Jonge myn Son afflyuich wurde dae got vur sy ee Johanne elige huysfrauwe sonder wislige elige geburt van yn geschaffen leuendich na zo laissen so sall die vurg. Johanne bewedompt syn an dat huyss Kestellen ind vierhundert oeuerlentscher Rynscher gulden Jerlicher Renten, also dat sy des yre leuenlanck restlich ind vredelich gebruychen sall Ind na doide der vurg. Johannen so sall dat bewedompt guet weder achter sich vallen an des vurg. Johans Huerten nyeste erue ind vrunde Desgelichs were sache dat Johanne vurg. afflyuich wurde ee Johan vurg. da got vur sy, sonder wisliche elige geburt van yn beyden geschaffen leuendich na zo laissen So sall der vurg. Johan bewedompt syn an die vierhundert oeuerlentscher Rynsche gulden erfflicher Jerlicher Renten ind dat huyss Bouenberg also dat hey des syn leuenlanck gebruychen ind geneissen sall Ind na doide syn so sall yd wederomb vallen an der vurg. Johannen nyeste Erue ind vrunde Alle ind yeckliche punten vurwerde ind artikell dis breyffs hain wir Johan Huerte der alde ind Anna elude vurg. Ich Engelbrecht Nyt van Byrgell &c. as mallich van vns deme anderen by synre Eren ind truwen gesichert ind yn rechter Eydstadt geloiftt vur vns ind vnse eruen vast stede ind vnuerbruchlich zo halden ind die vurg. punten zo folvoeren — — — Ind darumb zo kentenysse der wairheit So hayn wir Johan Huerte ind Anna elude Ind ich Engelbrecht Nyt vurs. vnse Ingesiegelle vur vns ind alle vnse Eruen an diesen breyff gehangen ind hain vort sementlichen tzo mere sicherheit gebeden vnse lieue maichge Swaegere ind vrunde myt namen heren Bernhart heren tzo Burtschit heren Diederich van Burtschit heren Johan van me Geysbusch Rittere Clais van Nattenheym Heynrich van Grunsfelt Johan van Birgell