Beiträge zur Genealogie der adligen Geschlechter 3 (Strange)/047
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 2 | Heft 3 | 4 5 6 7 8 9 10 11 12 | |
| Glossar | |
| GenWiki E-Book | |
| <<<Vorherige Seite [046] |
Nächste Seite>>> [048] |
| |
| Hilfe zur Nutzung von DjVu-Dateien | |
| Texterfassung: fertig | |
| Dieser Text wurde zweimal anhand der angegebenen Quelle korrekturgelesen.
| |
Heynrichs na gelaessen gueden zo rechter deyllongen gevallen wurde dat sall mir Engelbrecht vurg an den Seesshundert gulden Jerlicher Renten affgayn Dan were sache dat yr zo rechter deyllongen neyt as gut en veylle as Seesshondert gulden Jerlicher renten dat gebreche da van sullen ich Engelbrecht vurg. off myne eruen der vurg. Johannen mynre doichter off yren Eruen belegen ind sie der sicher machen Geueyle id auer dat yre deyllonge beesser were dan Seeshundert gulden Jerlicher Renten an des vurg. Heynrichs na gelaessen gueden dat sall man yre ouch vulgen ind gedyen laissen sonder yemantz wederreede Ouch were sache dat ich Engelbrecht Nyt vurg. mych zo eyme anderen Hylich ergeuen wurde ind kyndere gewonne sonder mansgeburt So sall Johanne vurg. myne doichter na dode myn Engelbrechtz zo voerentz vyshauen dat sloss Eschwylre ind dat marschalckampt ind vort vierhondert oeuerlentscher Rynsche gulden Jerlicher Renten Ind sall asdan vort mit anderen yren susteren die sy nu hait ader namaels geschaffen moigen werden zo gelicher deyllongen stayn an allen anderen nae gelaisssen gueden myn Engelbrechtz vurg. vyssgescheiden Bouenberg ind des marschalcks Roide da ane die vurg. Johanne asdan geyn recht hauen noch da myt zo gelycher deyllongen stayn sall Mer andere myn Engelbrechtz kyndere sullen dat vur sich behalden ind hauen Sunder yemantz eynche deyllonge da van zo doin Ingheyncherwys Were auer sache dat ich Engelbrecht vurg. mansgeburt[GWR 1] gewunne so sall die vurg. Johanne die vurg. vierhundert gulden hylichsgeltz erffliche Renten vur sich hauen ind vort die waenonge Bouenberg off des marschalcks Roide dae ane sy asdan die kuer hauen sall Ind sall dar tzo die selue Johanne an myn Engelbrechtz nae gelaissen gueden Seeshundert der vurg. gulden Jerlicher Renten hain Doch also so wat yre des van yren Moederlichen gueden bewyst wurde, dat sall myr Engelbrecht ind mynen eruen an den Seesshundert gulden erfflicher renten affgayn Ind dae myt sall die vurg. Johanne affgescheiden syn ind bliuen van allen anderen mynen gueden ind hauen die ich nu hayn off na myme doide achterlaissen werden Ind die vurg. elude Johan ind Johanne asdan vertzichtenysse doin sullen yn vurg. maissen vp alle den enden ind steden sich gebueren wirt ind as dicke ind vyll zo gesynnen myn Engelbrechtz vurg. ader
Anmerkungen der GenWiki-Redaktion (GWR)
- ↑ Druckfehler in Textvorlage: mansgebnrt