Beiträge zur Genealogie der adligen Geschlechter 2 (Strange)/126
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 | Heft 2 | 3 4 5 6 7 8 9 10 11 12 Inhalt | Beilagen: A B C | Berichtigungen | |
| Glossar | |
| GenWiki E-Book | |
| <<<Vorherige Seite [125] |
Nächste Seite>>> [127] |
| |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
mit brieuen So sall ich ind de vurg. myne Burgen ind eyn yecklich van vnss myt syns selfs lyue ind mit eyme kneichte ind mit zwen perden bynnen de Stat van Coyuelentze in eyne Eirsame herberge de vnss myt der manongen bewyst wurde in leystonge inkomen Ind aldae zo lygen ind zo leysten vp vnse eygen cost ind pende Also as goider lude recht ind gewoende is. Ind van der leystongen nyet zo scheiden noch vpzohoeren in geynrewyse deme vurg. Johanne van Helffensteyne en sy zierst gentzlich genoich geschiet van der achterstediger vnbetzailder schoult darvmb dat wir in leystonge gemaent weren Ind dartzo van alle den costen ind schaden de hee darvmb hette odir dede in eyncher Wyse, Ind so wanne dat de vnse perde vss der leist weren So soillen wir zerstont ander perde weder in de leystonge stellen, ind de ersetzonge zo doyn als ducke as des noyt geboerde, Were ouch sache dat der vurg. mynre Burgen eynich afflyuich off vsslendich wurde E dat de vurg. zweyduysent gulden Hilichsgeltz wale betzailt weren So sall ich Johan van Eynenbergh vurs. bynnen deme nyesten Maende, nae deme ich darvmb van deme egenanten Johanne van Helffensteyne gemaent werden, Eynen anderen gelychen goiden burgen in des affgegangenen stat setzen, de sych myt syme Transfixbrieue durch desen principailbrieff zo stechen as gewoenlich is verbynden sall in alle der maissen as der ander verbonden was, ind ouch de ersetzonge zo doyn also ducke as des noit geboerde, Wilche myne burgen vurs. ich van allen dis briefs puncten ind verbontenisse vurs. in goiden truwen gelouen wale zo qwyten ind schadeloss zo halden Alle argeliste hie ynne gentzlichen vssgescheiden Ind deser vurs. Sachen zo vrkonde der wairheit ind gantzer stedicheit, So hain ich Johan van Eynenberch vurs. myn Ingesegel vur mych Lysen myne elige huysfrauwe ind vnse Eruen vur an desen brieff gehancgen, des ich Lysa vurs. bekennen ind in desen sachen ghebruychen Ind wir Wilhem van Vlatten Ritter Werner van Vlatten gebroedere ind Roilman vamme Geysbussche Burgen vurs. bekennen dat wir vnss verbonden hain ind Burgen worden syn in hant Johans van Helffensteyne yurs. in alle der maissen so we vur van vnss geschreuen steit, Ind geloyuen dat in goiden truwen vaste stede ind vnverbruchlich zo halden ind goide gehoirsame Burgen zo syn ind geyne