Beiträge zur Genealogie der adligen Geschlechter 2 (Strange)/125
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 | Heft 2 | 3 4 5 6 7 8 9 10 11 12 Inhalt | Beilagen: A B C | Berichtigungen | |
| Glossar | |
| GenWiki E-Book | |
| <<<Vorherige Seite [124] |
Nächste Seite>>> [126] |
| |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
volbrengen ind vervullen an anderen synen gueten, dae mit dat je vurg. Hille Jairlichs sycher sy Anderhalfhondert Ryntscher gulden Renten. Ind off sache were dat Johan van Helffensteyne vurs. de vurg. Anderhalffhondert gulden geldes bewyste ind versicherde vp andere syne gueder dan vp Spurckenberg vurs. dat mach hee wale doyn lnd sall asdan Spurckenbergh dae van ynbehaft ind vry syn sonder argelist. Ind sall de egenante Hille den vurg. wedom off sych dat also geueylle dat sy Johan vurs. oeuerleyfde besitzen ind des gebruychen als wedoms reicht is Ind weren die vurg. gueder lehen So sall Johan van Helffensteyne myt den leenherren reiden ind weruen dat sy yren willen zo deme vurg. wedom geyuen in vrber Hillen vurs. Ouch ist bereidt ind gedadingt Were is sache dat de vurg. Hille sturue ind affliuich wurde E der vurg. Johan van Helffensteyne ayn lyues eruen van yn beyden geschaffen leuendich zo laissen, So sall Johan van Helffensteyne dat vurg. Hilichsguet syne leyfdage lanck besitzen ind des gebruychen sonder eynichen indrach odir wederreide der egenanter Hillen Eruen vnd sall dan nae syme dode ledeclichen weder hynder sych vallen ind ersteruen an mych Johan van Eynenbergh vurs. Lysen myne elige huysfrauwe ind vnse Eruen Vnd darvmb ist bereidt dat der vurg. Johan van Helffensteyne de egenante czweyduysent Ryntsche gulden beleigen ind bewysen sall myt raide ind willen myn Johans van Eynenbergh vurs. also dat ich ind myne Eruen na dode Johans van Helffensteyne vurs. da an sicher syn Ind vmb dat der selue Johan van Helffensteyne an betzalongen der vurg. Tzweyduysent Ryntscher gulden Hilichsgeltz gentzlich sicher sy So hain ich Johan van Eynenberch vurs. yeme dar vur zo Burgen gesat de Eirsame frome lude heren Wilhem van Vlatten Ritter Werner van Vlatten synen broider ind Roylman vamme Geysbussche de sych vur mych ind myt mir verloift ind verbunden haent in goiden truwen Also offt sache were dat ich Johan van Eynenberch vurs. de betzalonge der vurg. Tzweyduysent ryntscher gulden nyet en dede noch en heilte zo den tzyden ind in der maissen as vurs. steit ind da an bruchlich wurde in deille off in zo maile Dat yerste ich ind de vurg. myne burgen semenclich ind besonder asdan gemaent werden van deme egenanten Johanne van Helffensteyne id sy zo huyse odir zo hoyue mit monde boyden odir