Beiträge zur Genealogie der adligen Geschlechter 2 (Strange)/114
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 | Heft 2 | 3 4 5 6 7 8 9 10 11 12 Inhalt | Beilagen: A B C | Berichtigungen | |
| Glossar | |
| GenWiki E-Book | |
| <<<Vorherige Seite [113] |
Nächste Seite>>> [115] |
| |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
Heuwe mehen vnd machen, dar by Infoerhen, vnd sullen dat seluige Heuwe also machen vnd Infoerhen dat idt dem Herenn nutzlich vnd deme Landtman erlich sy. So weyss eyn yeder Dorp wa idt keren vnd wenden sall, vnd die Jhene die In deme Heuwe wyrcken, mehen vnd machen, sullen der kost vnd drancks an deme huyss gesynnen, so sall man sy lnnen geuen na alder gewoenheit. So sy Innen auer bracht wyrt, dat sullen sy waill sehen. Vortan so is dyt vurs. Landt Churich, also, were sach, dat eynich man buwde vff dat wydt feldt, da myt vnd so geraidt der rauch vp geyt wyst der Scheffen dat guedt koerich. Were idt sach, dat der buw widderumb aiffgieng, vnd der Naber vhee widder dar vp gieng als idt zufoern gedaen hait so ist idt der koerhen widder entledicht. Were idt auer sach, dat man idt hielt thusschent synem Edderich vnd Zungen vnd niet myt deme ploge entbuwde, so blyfft idt koerich guedt. Were auch sach dat eynich man eyn guedt deylt, so manchen rauch, so mannich koer. Vnd wanne idt widder by eynnander wyrt geslagen in eynen Rauch, so is idt ouch widder eynkoerich guedt. Yerner so wyst der Scheffen dat Landt van Drynbornn eyn Vry offen Landt, dat eyn yeder man mach hude dar In zehen morgen widderumb dar vyss, weme des beliefft ader noedich were, idt were dan sach dat er widder den Herenn verbrucht het, durch mircklich vrsachen, sall er erst aiff dragen. Ouch wyst der Scheffen dat eyn yeder mach feylen kauff hauen In deme Landt van Drynbornn, idt sy Nass ader Drug, buyssent eynich beschwerniss vmb dat eyn yeder dat doen mach, so sall er syne maissen vp den vaedtdyncklichen dach vur dat Gericht brengen, er mess Nass ader druge. Wanne sulchs niet en geschege vnd der Scheffen darumb gemandt wurde, so sall der seluiger vernemen wat er ghene den Herenn verbrucht hane. Ouch so synt tzwa Mullen In deme Landt, da weyss eyn yeglich huyssman wa er gehoert zu maellen. Were sach dat yemanss buyssent dat Landt foerh zu maellen, vnd der Muller den seluigen dar vffer ergienge, so moecht er Im nemen Sack, vnd Perdt, vnd dat Perdt deme Herenn lieueren, vnd der Muller moecht halden Sack vnd Meel, vnd so yemanss Im Lande moell vnd van deme Muller ergangen wurde, sall er deme Muller synen Molther schuldich syn zu geuen, vnd niet