Beiträge zur Genealogie der adligen Geschlechter 2 (Strange)/113
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 | Heft 2 | 3 4 5 6 7 8 9 10 11 12 Inhalt | Beilagen: A B C | Berichtigungen | |
| Glossar | |
| GenWiki E-Book | |
| <<<Vorherige Seite [112] |
Nächste Seite>>> [114] |
| |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
an der Straissen, vp den broechen steit noch eyn putzgen, dar yp vort viss bis widderumb vff den seluigen vurgemelten Greuenborn
Her na volgt de Hoicheit des Heren, vnd des Landtmanss Gerechticheit
Im Irsten kenth man denn Herenn zu Drynborn vur eynen geweldigen Landtherenn In dyssem vurgemelten Vmbganck vnd bezirckt des Landes Drynbornn, So dat eyn Her zo Drynbornn mach Rychten laissen vffer Hals vnd buich na Wyssdomb des Rechten wie van aldem Herkommen dis Landts. So aiff idt ytzt sach were, da Got vur syn will, dat eynich vngemach ader doitslach In dyssem Landt geschech, idt were vff Manguedern ader vff andern guedern, dat sall vur dem Heren zo Drynbornn verdedingt vnd geboist werden vnd dat Hoichgericht wirt deme Herenn zugewyst myt klockenslach vnd volgung wasserganck myt aller Fysscheryen bynnen dyssem vurgemeltem vmbganck vnd bezirckt da die wasserfluss benant synt. Ouch so en sall geyn man In der Hoichheit Drynbornn geyn Frygut hauen vissgescheyden die Hangueder, die moegen wissen wat fryheit sy hauen, dat steit an dem Landtherenn zu Drynbornn wa van sy die vryheit hauen. Ouch so hauen die Herenn van Steinfelt eyn guedt dat Innen Jairss Renth Ingilt weiss der Scheuen niet, aiff idt an dem Herenn vry sull syn, ader niet. Witherss so sall der Landtman In deme Landt Drynbornn deme Herenn dienen vnd zu niest, vnd niet vff dat witste in deme Lande van Guylich hoelen vnd foerhen vff dat huyss zu Drynbornn wyn vnd korn zu noitturffticheit des huyss vurs. dar vp vnd niet dar van, der Her sall idt loss machen, vnd den wech öffenenn. Dar zu sall der Landtmann hollen holtz vnd furong vff deme walde van Monsauwe allet zur noitturfft des vurs. huyss Drynbornn, sall der Her den bussche öffenen, welcher man der da brengt eynen wagen holtz, deme sall man tzwa Mycken geuen vnd wer eyne kar holtz brengt, deme sall man eyn Myck geuen. Dar zu steit eyn vry wynhuyss zu Drynbornn, dar sall der Landtman Infoerhen alle hoichtzyt tzweyn wagen holtz. Noch steyt eyn Thorn vur deme huyss, so wer dar vp waindt deme sall man foerhen alle hoichtzyt eynen wagen holtz. Ouch sall der Landtman deme Herenn syn