Beiträge zur Genealogie der adligen Geschlechter 2 (Strange)/060
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 | Heft 2 | 3 4 5 6 7 8 9 10 11 12 Inhalt | Beilagen: A B C | Berichtigungen | |
| Glossar | |
| GenWiki E-Book | |
| <<<Vorherige Seite [059] |
Nächste Seite>>> [061] |
| |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
hain ouch buisch ind artlant vurs. dem amptmanne van Noruenich oeuermitz die scheffene alda vp der strasen vpgedragen ind syn des vssgegangen vp allen den steden as man Erfs ind guetz mit rechte pleit vsszogane Ind de selue amptman heit dat Wilhelme ind Aleyde eluden vurs. in eweligen vrber ind nutz yre ind yre Eruen of helder dys briefs vurs. beleint asso as dat recht ind gewoenlich is vns ind vnse Eruen da ane onterft ind Wilhelme ind Aleide vurs. ind yre Eruen of helder dys briefs vurs. da ane geerft Doch vmb sunderlinge gunst ind vruntschaf so hant die seluen vur sich ind vur yre Eruen of helder dys briefs vurs. buisch ind artland vurs. des wir Sy in gueden truwen hain geloift ind geloeuen rechte werschaf zo doin ind alle rechte ansprage af zo doin weder geleint zo erfpachte ind lenent vns ind vnsin Eruen dat is zo wissen vmb echt malder rocgen durenre maissen erfligen pechte by zweilf penningen na des besten gewas as in der zyt der bezalingen zo Duren vp dem marte vercoicht of vergolden wirt Wilche vurs. Echt malder rocgen erfligen pechte wir hain geloift in gueden truwen vur vns ind vnse Eruen ind geloeuen Wilhelme ind Aleide eluden vurs. ind yren eruen of helder dys briefs vurs. zo eweligen dagen alle Jair vp sente Remeis dach of tuschen Kirst dage nar na neiste volginde vnbeuangen gensligen ind wale zo bezalen Ind vp vns ind vnse eruen Cost ind arbeit zo Duren in yre gewisse behalt zo antwerden ind zo leueren Mit alsulcher vurwerden of wir of vnse eruen in eynchme Jare vurs. an bezalincgen ind antwerdingen dyser erfpechte vurs. versumlich of bruchlich wurden an deyle of anzemale vp die vurs. zyt dat as dan dit vurs. erue ind guet beyde buisch ind artland so wie dat zo der zyt geliegen is mit alre besserien los ind ledich weder vmb Wilhelme ind Aleide vurs. ind yren eruen of helder dys briefs vurs. eruallen is sunder eynge vurder gedinge asso dat die seluen as dan da mide alle yren vryen wille ind nutz doin mogen as mit anderen yrme eygene erue ind guede sunder eynge wedersprage of werwort vnse of vnse eruen of eymanne anders van vnsin of vnsen eruen wegen Alle argelist firpel nuwe vunde ind behendigkeit die man denkin of spreygen mach of die man heran keren mach of moichte Ind helpe geistlichs of wereclichs gerichtz gensligen ind zo male vssgeschieden in allen dys brief punten ind vurwerden Ind des