Beiträge zur Genealogie der adligen Geschlechter 2 (Strange)/059
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 | Heft 2 | 3 4 5 6 7 8 9 10 11 12 Inhalt | Beilagen: A B C | Berichtigungen | |
| Glossar | |
| GenWiki E-Book | |
| <<<Vorherige Seite [058] |
Nächste Seite>>> [060] |
| |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
sunder alreleye argelist, zoe gezuge der warheit so han ich minen sigel an disen brieff gehangen Ind han vort gebieden Goedarde minen broeder Arnolde Luschanen sun Heren Reynartz van Godelsheim Ritters ind die scheffene van Noruenich dat si yre sigele bi dat myn an disen brieff hant gehangen zoe eyme merre gezuge der warheit alre sachgen vurs. Des wir Goedart Arnold ind wir scheffene vurs. vnder vnsen sigelen begeyn die wir vmb bieden wille Gerartz vurs. an diesen brieff han gehangen zoe eyme merre gezuge der warheit alre punte vurs. Gegeuen in den Jaren vns Heren dusent drue hundert seisse ind seuenzich vp sente Lucien dach.
2. Kauf- und Erbpachtbrief über Busch und vier und zwanzig Morgen Land im Felde von Irresheim und Eggersheim v. J. 1381 den 7. Januar.
Wir Diederich Luyschane van Eresheim Ritter ind Lynsa myn elich wyf doin kunt allen luden die dysen brief solen seyn of hoeren leysen ind kennen dat wir semetligen vmb kenligen merren schaden zo wieren mit rade vnse vrunde Ind vmb vns nutz wille vur vns ind vnse eruen recheligen ind redeligen hain vercoicht ind verkoiffen oeuermitz dysen brief Wilhelme van Vlatten ind Aleide elichen luden ind yren Eruen of helder dys briefs mit yren willen vnsen alincgen buisch geleygen by Ecgersheim ind veyre ind zwenzich morgen vry eygens artlants geliegen in den velden zo Eresheim ind zo Ecgersheim as herna beschreuen is In dem eirsten Echt morgen tuschen Ecgersheim ind Luytzheim boeuen dem wiege beneuen Erkins lande des scheffenen Ind echt morgen an vnsin zein morgen tuschen Eresheim ind Ecgersheim da der wech an eyme ende dur geit ouch beneuen Erkins vonf veirdelen Ind echt morgen an vnsen zein morgen geliegen oeuen in dem velde tuschen Eresheim ind Luytzheim an Kirstions van Goidelsheim lande oich zein morgen vmb eyne beschieden summa geltz die vns zo vnsme nutze an gereyden gelde gensligen ind wale gezalt ind bezailt is Ind schelden die seluen quyd ind los as van dysen bezalincgen Ind dar vmb so hain wir vur vns ind vnse Eruen luterligen verzegen mit halme ind mit munde beyde vp buysch ind artlant vurs. ind verzyien oeuermitz dysen brief in eweligen nutz ind vrber Wilhelme ind Aleide elude vurs. ind yre Eruen of helder dys briefs vurs. Ind