Beiträge und Material zur Geschichte der Aachener Patrizier-Familien, 1. Band/099

GenWiki - Digitale Bibliothek
Beiträge und Material zur Geschichte der Aachener Patrizier-Familien, 1. Band
<<<Vorherige Seite [098]	Nächste Seite>>> [100]
Hilfe zur Nutzung von DjVu-Dateien
Texterfassung: unkorrigiert
Dieser Text wurde noch nicht korrekturgelesen und kann somit Fehler enthalten.

sijne dage nummer egeyn hauen, jnd ouch sal man vortan alle vierdel jairs vur deme Raide ind vur den Seess guden mannen van yeder gaffelen vurss. dan darzo by den anderen vergadert, Rechenschaff doin ind laissen geschien, zo zijden darzo vueglich ind bequeyme van allen jnnemen ind vssgeuen, Renthen ind vpkoemungen onser Stede. Ouch soilen die Seess gude manne van den Elff gaffelen vurss. zo onser Stede priuilegien, so wie off wae die ligen, jnd ouch zo onss Stede lijfftzucht Segel, yre besonder Slussel hauen jnd ouch der gemeyne Rait yre Slussel vp dat die sicher ind wail bewart bliuen jnd dat egeyne lijfftzucht noch Erfftzaile me verkoicht noch versegelt en werde vns ind den vurg. Seess guden mannen zer tzijt en duncke dat eyndrechtligen noit sijn, jnd yd en sij mit yrre wist ind guden willen, jnd ouch en soilen wir egeyn manleyne noch guet, ewech geuen noch Ieynen, yd en sij mit der Seess guder manne van yeder gaffelen vurss. wist ind guden willen, jnd were eynnich Burgere off vnderseesse, de der Stat eynchen last off schaden maichtde, dat man sijns selfs schulden zoqueme, der ghen id were we de were sal den last ind schaden selue dragen inde lijden, yd en were dan sache, dat yeman eynchen unser Stede Burgere off vnderseessen vntgaen Scheffen ordel ind das kueren Recht onser Stede verkurtzen off vermoitwillen weulde, den Burgere off vnderseessen soilen wir dan daynne zo Reden ind bescheide verantwerden jnd by Scheffen ordel ind des kueren Recht onser Stede gestentlich laissen ind halden. Jnd off deme Raide zertzijt onser Stede eynche trefflige noitsachen vurvielen off anbracht wurden, jnd dan die noitsache den Seess guden mannen vurss. jn Raitz gewijse anbrechte, die sich dan off yn die noitsache zo swair duchte mit vns alleyne anzonemen, mit den besten ind stanthafftigsten Burgeren van yrre gaffelen, die yn darzo dat nutzste ind bequeymste soilen duncken ind nyet vorder darop vngeuerlich ind vngestraift yrre Eyde ouch in Raitz gewijse besprechen mogen jnd dat ouch in Raitz gewijse zo halden, jnd dan darop eyndrechtlich off mit guitduncken ind gevulgnisse der meister part der guder manne van den Elff gaffelen vurss. ouerquemen ind annemen vmb gemeyns vrbers ind besten wille, jnd vmb vorderen last ind vnrait die darvss vntstaen muchten zo verhueden, dat des dan alle Burgere ind gaffelgesellen darby gentzlich zovrieden gevulgich ind gestendich soilen sijn, asducke des also noit gebuerde, sonder yed anders off vorder daer vntgaen zo doen off vortzokeren in eynger wijs, jnd we daer wieder off daerenboyuen vntgaen des Raitz ind der guder manne vuiss. ordinancie off gesetze freuelde off sich anneme eynnich geruchte vplouffe off vergaderonge zo machen, eynche stormklocken anzoslaen off eynche portzen zo sliessen