Beiträge und Material zur Geschichte der Aachener Patrizier-Familien, 1. Band/098
| GenWiki - Digitale Bibliothek | |
|---|---|
| Beiträge und Material zur Geschichte der Aachener Patrizier-Familien, 1. Band | |
| <<<Vorherige Seite [097] |
Nächste Seite>>> [099] |
 | |
| Hilfe zur Nutzung von DjVu-Dateien | |
| Texterfassung: unkorrigiert | |
| Dieser Text wurde noch nicht korrekturgelesen und kann somit Fehler enthalten.
| |
onser Burgere ind vnderseessen jn ind zo eynre der vurg. gaffelen, der eme dan best genuegt, kiesen ind vereydt sijn sal, by gemeynen vrber ind onser Stede Eren ind besten altzijt gevulgich, gehoirsam ind gestendich zo sijn ind zo bliuen, jnd wanne eynnich vsswendich man sich hie vnder vns nederslaen ind woynen wilt, dat de dan vuran brieue ind Segel sal bringen ind tzoenen den Burgermeisteren zertzijt van wat famen ind namen der sij, jnd sal dan vort darzo der gaffelen darjn ind darzo he dan kiesen wirdt, sijneu Eydt doin ind sweren ayn argelist by deme Raide ind by sijnre gaffelen gekoirenen guden mannen ind geselschaff altzijt gehoirsam ind gestendich zo sijn zo gemeynen vrber ind besten onser Stat ind mitburgere in maissen vurss. Jnd soilen daromme nu ind vortan jn yeder gaffelen vurg. besonder Seess gude manne onser Burgere van Adeldom ind guder famen gekoiren ind vereydt sijn, der egeyn van deme Raide sijn sal, jnd der Seess guder manne van yeder gaffelen vurss. sal man vortan alle Jaere drij ersetzen vp sent Johans dach baptisten Natiuitatis zo myt somer mit guden geleuffligen ind stanthafftichen Burgeren van Adeldom ind guder tamen gelijch vurbeeleirt steyt, die die Seess gude manne van yeder gaffelen vp yre Eyde eyndrechtlich off mit gevulgnisse der meister part, jn stat der drijer die dan affghient, kiesen soilen, jnd die soilen ouch sweren ayn argelist by deme Raide ind by yrre gaffelen gekoiren guden mannen ind geselschaff ouch altzijt gevulgich, gehoirsam ind gestendich zo sijn zo gemeynen vrber ind onser Stat ind Burgere Eren ind besten gelijch vurbeeleirt steyt. Jnd wanne man Burgermeistere kiesen off ersetzen sal, dae soilen die Seess gude manne van yeder gaffelen vurss. dan zertzijt by sijn, jnd die vp yre Eyde in deme Raide helpen kiesen ind ersetzen, mit guitduncken ind gevulgnisse der meister part, asduck des noit gebuerde. Jnd wanne der Rait eynche Rentmeistere, wijnmeistere Buwemeistere off andere Ampten in deme Raide kuyst, So soilen ind mogen die Seess van den Elff gaffelen vurss. vp yre Eyde eyndrechtlich off mit gevulgnisse der meister part, so vil vnder sich daer vntgaen kiesen ind hauen, jnd dieselue darzo gekoiren sijnde ind darzo Eirlich ind nutzlich, soilen dan vp yre Eyde nemen ind beweyren ayn argelist, dat Sij daromme nyemen gebeden, noch haeue noch guet daromme gegeuen noch geloift en hauen, noch doen geuen noch gelouen in eynger wijs, jnd dan sal man vort vmme vraigen ind eynnen yecligen vp sijnen Eydt manen, off he deser stucken eynnich gebroichen, off daer vntgaen gedaen haue ader yeman wiste da ynne vellich ader bruchich, vmb dat dan vort zobringen, jnd wurde der eynnich vonden, de des eynnich gedaen hette off doen doin, de en sal der Ampten