Topographia Bavariae/043
| GenWiki - Digitale Bibliothek | |
|---|---|
| Topographia Bavariae | |
| Inhalt | |
| A B C D E F G H I J K L M N O P Q R S T U V W X Y Z | |
| <<<Vorherige Seite [042] |
Nächste Seite>>> [044] |
 | |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
Christi Geburt 1413. Jahr/ hat Hertzog Ludwig/ Hertzog in Bäyern/ vnd Graff zu Mortany/ der Königin zu Franckreich Bruder/ angefangen/ die Statt Laugingen erweitern zu lassen/ Stattmawer zu bessern/ vnd auch die Gräben/ darzu den Weg vber das Moos/ machen zu lassen/ vnnd viel andere nutzliche Bäw an der Statt. Bitt GOtt für seine Seel. Es hatten die Pfaltzgraffen vorhin allhie jhre Begräbnuß: Aber nunmehr haben sie solche in der newen Grufft zu Newburg. Pfaltzgraff Wolffgang/ der in Franckreich blieben/ hat allhie ein Gymnasium auffgericht/ welches sein H. Sohn/ Pfaltzgraf Philips Ludwig fleissig vnderhalten/ vnn hat man bey solcher Schul gelehrte Leuth erzogen/ vnd seyn von weiten Orten gar vil/ studierens halber/ hieher kommen; dahero die Gewerb vnd Kauffmanschafften gewaltig zugenommen/ vnd die Statt mit schönen Häusern vnd Gebäwen gezieret/ auch dieselbe gar Volckreich vnd vermöglich worden: Aber als folgendts Jh. F. Durchl. H. Pfaltzgraff Wolffgang Wilhelm/ rc. die Religion geändert/ vnnd in die Regirung kommen/ haben sie solche berümmte Schul wider abgeschafft/ vnnd die Röm. Cathol. Religion allhie eingeführet; deßwegen viel vornehme vnd wolbegüterte Leuth/ sich von dannen begeben; daß dahero/ vnd wegen deß jetzigen verderblichen Kriegswesen/ so diese Statt/ zu vnderschiedlichen malen/ wol innen worden/ diese schöne vnnd wolerbawte Statt/ in etwas Abnehmen gerathen. Hat ein Fürstliches Schloß/ vnd eine Brücken vber die Thonaw/ daran die Mühlen seyn/ so man auffziehen kann/ wann Schif von Vlm/ oder deren Orthen herab/ kommen. Jst An. 1632. von dem König in Schweden eingenommen/ mit Schantzen vmgeben vnnd fortisiert/ doch nicht gäntzlich vollzogen/ worden.
Als aber deß Jahrs 1646. sich die Statt den Frantzosen ergeben/ so hat man sie hernach zimblich verwahret/ vnd mit Realwercken versehen/ damit beyde Cronen/ Franckreich/ vnd Schweden/ jederzeit/ an der Thonaw/ so lang der Teutsche Krieg wären möchte/ einen festen Fuß setzen könten.
Lautershofen/
EIN Dorff/ in der Obern Pfaltz/ oberhalb Newenmarckt/ nahendt dem Closter Castel gelegen/ so vmbs Jahr 811. eine Statt solle gewest seyn/ deren in Käyser Carls deß Grossen Testament gedacht wird; wie D. L. Wurffbain/ relat. 3. pag. 56. berichtet.
Leonsperg/
EIN weyland schönes ChurFürstliches Schloß/ so die Confoederiten Anno 1648. eingeäschert haben sollen/ wie in dem 6.Theil deß Theatri Europaei stehet. Es gehört ein Landgericht darzu/ so vnder der NiderBayerischen Regierung/ vnd RentAmbt/ zu Straubingen ist.
Liechtenberg/
EIN Schloß jenseit deß Lechs gelegen. Anno 1648. haben die verbundene Frantzosen vnd Schweden/ zu Scheiringen [1] (weyland ein ansehenlich Dorff in Bäyern/ daß die Schweden im Jahr 1633, gantz außgeraubet/ vnnd die zwo Kirchen/ mit den verschlossenen Persohnen/ so dahin geflohen waren/ verbrandt; wie in dem Augspurgischen oben angezogenem Summarischen Verlauffs Begriff stehet) sich in Schlacht Ordnung gestellt/ vnnd den dreyssigsten Septembris Alten Calenders über eine Lauffbrücke/ zwischen den beyden Schlössern Liechtenberg [2]/ vnd Haldenberg/ jhren Plunder durch den Lech gehen lassen; die Armee aber ist noch biß gegen Abend/ hinder dem Wäldlein/ bey dem gedachten Schloß Liechtenberg/ in der Schlachtordnung haltend/ geblieben; hernach auch über den Lech/ in Schwaben/ gangen/ vnnd selbigen Tags gar spat/ zu Schwäbisch München[3] zu logiern kommen/ so eine kleine Meil von besagtem Scheiringen gelegen.