Nachrichten über Adelige Familien und Güter - 2/116
| GenWiki - Digitale Bibliothek | |
|---|---|
| Nachrichten über Adelige Familien und Güter | |
| 1. Heft | 2. Heft | |
| Inhalt des 2. Heftes | |
| <<<Vorherige Seite [115] |
Nächste Seite>>> [117] |
| |
| korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
recht ind gewoende ist Ind wat nutzonge der huysere, wyngarde ind sustz anders, des Jairs davan inkomende, Wirt ouermytz herren Gerart vurs. alleyne zo hauen ind zo behalden, zo keren ind zo wenden, in wat hant hey wilt Sonder ederrede Gerartz vurs.---Gegeuen in dem Jaire vns herren Duysent vunffhondert ind Tzien vp den Eichtzienden dach des maindtz Januarii.[1]
7. Lehenbrief über Güter gelegen im Gericht und Hofe zu Deckstein, für Gerhard vom Wasserfass, v. J. 1510.
Wir Philips von gots gnaden Ertzbischoff zu Collen vnd Churfurste, Hertzoge zu Westualen vnd zu Engern, vnd wir Philips graue zo Waldeck Stathelder zu Rauensbeich, Doin kundt vnd bekennen das wir beyde als gekoren vormunder vnd moinber der vnmundiger nachgelaessener kinder etwan Gumprechts grauen zu Nuwenar dem got genade mit namen Gumprechts vnd Frederichs Greuen zu Nuwenar herrn zo Alpen vnd Erffoigde zo Collen, den Ersamen Gerharten van Wasserfass zertzeit Rentmeister der Staidt Collen mitsolichen guderen als gelegen sint in dem gericht vnd houe zo Deckstein, in gedachter kinderen Vadien gehörende, mit allen vnd iglichen iren Zu vnd ingehoringen, wie die vors, gueder van gedachten kynderen van Nuwenar als erffaigden zo Collen zo lehen Rorende, vnd in allermaissen Werner Quattermart vor, vnd Gerhart Quattermart sin Sou na, die seluigen gueder zo lehen gehait hauen, vnd sonderliche Gerhart Quattermart ietzo genant dem vorgedachten Gerharden van Wasserfass die vortan vpgedragen vnd ouergeuen hait, in biewesen hoffrichters vnd gesworen des egenanten gerichts, wie sich van Rechts wegen geburt, durch den Erbaren Leonharden Maess Canonichen zo Bonne hauen beleben laissen, Beiehen ine auch also in vnd mit Crafft diss breiffs, hauen dar vp van dem genanten Gerharten Wasserfass gewonliche geloffde vnd eyde enphangen laissen, Soliche vurs. lehine getruwelich
- ↑ Am 31. Januar hat Gerhard Quattermart seinem Oemen Gerhard vom Wasserfass den Kaufbrief über den Hof Himmelrath eingehändigt und ihn als rechtmässigen Besitzer desselben erklärt. Worauf dieser dann am 1. März seinem Neven verschiedene Grundstücke, gehörend in die Höfe Benesis und Ilimmelrath, zur lebenslänglichen Nutzniessung überweist.