Markeregt van Laarwolde (1886)/25

GenWiki - Digitale Bibliothek
Markeregt van Laarwolde (1886)
<<<Vorherige Seite [24]	Nächste Seite>>> [26]
Hilfe zur Nutzung von DjVu-Dateien
Texterfassung: unkorrigiert
Dieser Text wurde noch nicht korrekturgelesen und kann somit Fehler enthalten.

25 ende vmmestanders: dat men sulx mach beropen an den rijchter ende goegreuen to Schuttroppe, dair die van Emnijnchen oer recht plegen to haelen. 59. Jtem noch Potken, als eyn voirsprake mijns g. h . van Benthem etc. ende der gemenen erffgen., gevraget eyn ordell, seggende: her holtrichter bestaet eyn ordell an emants, dat hie wyse voir recht, wess den holtrichter syne gerechticheit yss off niet? Dar vp die Erentfeste Johan van Yttersijm als oyn holtrichter synen verst genommen hefft, hent totten naesten holtgerichte, dat die erffgen. van Gramsberge als erffholtrichters an stemmende worden. 60. 1547 den anderen dach in Meye sat dve Erentveste Erbair vnd vromme Reynolt van Aesswijn als eyn erffholtrichter dat holtgerichte in Larewolt. Jtem op dessen dach is verdragen dye holtrichter mijtden gemenen erffgen., dat twye vanden erffgen. mijtden holtrichter sullen reysen anden Drosten van Couorden, om de ongeboirlicke scuttinge de van Co- uorde doin ande Jngesetenen der mareke van La- rewolt. Angesien dye van Couorden oer mareke soe sye voernemen hebben wtgegrauen, solden sye billicke oren vrede also waren, dat dair gene auerslachte bieste auer en liepen. 61. Jtem eyn ordel de holtrichter bestadet an Henrick van Heest: of dair wye weer, de sonder oer- loff des erfholtrichters ende der gemenen erffgen. op de mereke getijmmert hadde, wat dye dair anne gebroken hadde? So heft Henrick van Heest sijn beraet dair op synen verst genommen, hent den naesten holting. 62. Jtem op dessen dach heft de erff holtrichter all de olde broicken, dye voir hen gescien sijnt,