Beiträge zur Genealogie der adligen Geschlechter 5 (Strange)/125
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 2 3 4 | Heft 5 | 6 7 8 9 10 11 12 | |
| Glossar | |
| <<<Vorherige Seite [124] |
Nächste Seite>>> [126] |
| |
| Hilfe zur Nutzung von DjVu-Dateien | |
| Texterfassung: fertig | |
| Dieser Text wurde zweimal anhand der angegebenen Quelle korrekturgelesen.
| |
vortan altzyt so dicke des noit geburt doin sullen De selue lehen van vns vnsen Eruen ind Nakoemelingen vurs. zu entfangen verdienen ind vermannen vns getruwe ind hoult ind mit schuldigem dienste dauan verbonden zu syn vnse best zu weruen Argst zu warnen ind zu keren ind vort allet dat daraff zu doin as getruwe Manne van lehen yrem hern van sulcher lehenschafft wegen schuldig ind plichlich zu doin syn Sonder Argelist Dis zu vrkunde der wairheit hain wir vnse Segeil vur vns vnse Eruen ind Nakoemlingen vurs. an desen brieff doin hangen Gegeuen zu Hamboich in den Jaren vns hern Duysent vunffhondert ind zwelff vff den neisten Sondach na sent Egidius dage
15. Nachtrag zu einer Erbtheilung zwischen den Kindern Wilhelms und Diederichs von Mirbach v. J. 1538.
Idt is zu wissen, so wie zweydracht vnd Irthumb gewest ist tuschen des festen Wilhem Myrbachs selig kynder an eyn syde, vnd des festen Dederichs Mirbachs selig kynder zu Fiernich anderdeils, Irer deilong haluen. Also dat Clais Myrbach zu Arloff synen Oemen Dederich Myrbach mit khummerrecht zur Arloff an dem Gericht angeslagen hat, dardurch Dederich Myrbach zu Fiernich vnd Clais Myrbach zu Arloff vffermitz ein Compromiss, des datum inhellt vonfftzienhondert vnd zwey vnd zwentzig, zu beiden deilen Ire gebrechen gestalt vnd vffergeuen hauen nach luide des Compromiss an die Ernfesten Wylhem van Gartzen here zu Syntzig vnd Amptman zu Munstereiffell,vnd Reinhard van Builich amptman zu der Hart, hauen beide Amptluide vurs. nae doide Dederichs Mirbachs selich mit verwilligung Clais Myrbachs vnd vnser Moder vnd Swegerfrawe Merg van Heymbach, vnd Jaspar Myrbach selig vnsers broiders vnd Swegers, haue die vurs. beide amptluide mit sampt vnsen frunden erkanth, dat Wilhem Myrbachs selich kynder Clais Myrbach zu Arloff vnd syne gebroider sullen hauen vnd behalden vur sich vnd Ir Eruen sulche erfschafft vnd guederen, wie die nae doide Irs annichherrn vnd annichfrauwen vnd Irs vaders Wilhem Mirbachs selig in gebruich vnd besess gewest syndt sonder argelist, vnd Dederichs Myrbachs kynder zu Fyrnich sullen ouch behalden alsulche erfschafft vnd gueder wie die Ir