Beiträge zur Genealogie der adligen Geschlechter 5 (Strange)/115
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 2 3 4 | Heft 5 | 6 7 8 9 10 11 12 | |
| Glossar | |
| <<<Vorherige Seite [114] |
Nächste Seite>>> [116] |
| |
| Hilfe zur Nutzung von DjVu-Dateien | |
| Texterfassung: fertig | |
| Dieser Text wurde zweimal anhand der angegebenen Quelle korrekturgelesen.
| |
dochter Ailheiden zo Bortscheiden Cloister Joncfer Neisgin eyn Cloister Joncfer zo sent Marien malsbuchell yn Colne mynen sonen ind doichteren vurs. yn der zyt do ich dat wail doin mochte mit mynem vurbedachten Raide gueden wailbesonnen vryen moitwillen Luterlichen gegeuen hain ind ouermitz desen seluen brief geue yn sementlichen ind sonderlingen mit vnderscheide dat her na beschreuen volgt alle ind yechliche alsulchen brieue as mir Wilhm vurs. van vrauw Swenolt van Harue mynre Suster der veydynnen zo Collen was der got genaide aengestoruen aengeuallen ind bleuen synt, Dat is mit namen eyn brief an die Stat Guilg sprechende zweyhondert alde Schilde,Ind eynen brief an die Stat Berchem sprechende hondert alde schilde, Ind dan noch eynen brief an die Stat Dalen hondert alde schilde sprechende, allit sommen ind Jair renten da ynne begriffen na lude ind viswisongen der seluen brieue, also dat die seluen myne vurs. kinder die vurs. brieue mit allem yrme Inhalde ind begriff nu vort aen vnder sich hauen halden ind der gebruchen moigen ind soilen sonder eynich weder sagen of doin van mir of yemans van mynen wegen mit worden of mit wercken, Ja mit voigen ind vnderscheide, dat die selue myn kindere mit namen vurs. die werentlichen vur wereltlich,die geistlichen vur geistlich sich an die vurs. brieue ind Summen gelts da ynne begriffen hauen halden deilen ind gebruchen soilen So ind we Gerart van Wedenauwe Symon van Aldenbruggen genant van Volbruggen Ryenart van Wedenauw Godart van Harue myn ind der vurs. kinder Neuen sy samen of eyn Jechlich van yn besonder as die geistlichen vur geistlich, die wertlichen vur wereltlich an die vurs. brieue ind begriffen Sommen da ynne deilen saissen ordieneren scheiden ind setzen soilen, Dat si sich da mit also halden ind genoigen laissen soilen, Ind wie die seluen myn Neuen vurs. dese seluen vurs.sachen deilen ind stellen sonder yn selfs zo voirdell, dat sal macht ind moige hauen, na yerre ordinancien ind saissingen gehalden werden Sonder alle wederstant of wederdoin myn of mynre kindere vurs. of yemans anders van myn of yeren wegen Ind as die vurs. myn Neuen die ordinancie ind Saissinge na begriff ind maissen vurs. gedain hauen -- Gegeuen In den Jaeren na Cristus geburt Dusent vierhondert zwey vnd drissich Jaere des Satersdaigs alre neist na sent Valentins dage martiris