Beiträge zur Genealogie der adligen Geschlechter 5 (Strange)/097
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 2 3 4 | Heft 5 | 6 7 8 9 10 11 12 | |
| Glossar | |
| <<<Vorherige Seite [096] |
Nächste Seite>>> [098] |
| |
| Hilfe zur Nutzung von DjVu-Dateien | |
| Texterfassung: fertig | |
| Dieser Text wurde zweimal anhand der angegebenen Quelle korrekturgelesen.
| |
betracht vnd vort an vns gelangt vnd komen laessen, haben wir Choerbuschoff vnd Capittell angesien des Styffs nutz vrber vnd wolfart, ouch uff sunderlich bede vnd begerde obgemelter Grauen Edelman Ritterschafft vnd Stede frunden vmb wyder kost schaeden vnd vnwille zu verhoeden, vns mit obgemeltem Johan geslicht vnd vertraigen in maessen hernach geschrieuen volgt Item sullen vnd willen wir Doem Capittell Johan van Drachenfeltz bynnen dem neist zukomende maende vur allen synen erlidden schaeden geuen dusent bescheiden goltgulden dy wilche man vnderstaen sall vnder den Steden des Styffs Collen uffzubrengen ader wie man die sust im besten uff ader bye brengen mach Item sullen wir Johan van Drachenfeltz anstont zu dem Sloess Drachenfeltz vnd zu der pantschafft des Sloess Wolckenburg komen vnd insetzen laessen uff huldung eyde vnd geloebde ytz eynem Doem Capittell vnd nachmaels eynes zukumffptygen Heres vnd Synen nachkomen dar van zu doin wie Johans selyge vaider voir vnd syn broider Heynrich nach gedaen hauen[1],vnd des syne gewonliche Reuerschaylbreue zu geuen Item sullen wir mit sampt Edelman Ritterschafft vnd Stede frunden des Styffs an dem zukumpfftigen Heren allen fflyss an keren vnd bidden dat Henrich van Drachenfeltz des Styffs Collen wydder gebruchen vnd zu gnaden genomen moege werden Item sullen wir tusschen dyt vnd der Erweldung des zukumpfftigen Heres Heynrich van Drachenfeltz in dem Styfft Coelne velicheit vnd geleyde geben vur alle den ghenen wir vngeueirlich moegich vnd mechtich syn Item hergegen sall Johan van Drachenfeltz vnd syne zustendere alle gefangen so sy noch gefencklich vnd in yren henden hauen anstont sunder entgeltnyss qwyt vnd ledich geben vnd laessen Item sall Johan vertzien up allen vngehauen brantschatz vyssgescheiden alsulche hundert Hornsche postulaitz gulden ass ime van dem van Goystorp gegeuen sullen werden vnd darzu noch alsulche tzweyhundert Hornsche gulden ime vur diesem verdraige vnd entscheit van etlichen personen zu geuen vnd zu lieueren zugesaicht syn sullen, vnd sust nyt wyders Vnd hiemit sall die vehede so Johan van Drachenfeltz byss her mit synen hulffer vnd hulffer hulpe ghegen den Styfft Collen gehaidt vnd gefoirt ganss aff