Beiträge zur Genealogie der adligen Geschlechter 5 (Strange)/085
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 2 3 4 | Heft 5 | 6 7 8 9 10 11 12 | |
| Glossar | |
| <<<Vorherige Seite [084] |
Nächste Seite>>> [086] |
| |
| Hilfe zur Nutzung von DjVu-Dateien | |
| Texterfassung: fertig | |
| Dieser Text wurde zweimal anhand der angegebenen Quelle korrekturgelesen.
| |
haint vnse helfte der Burch vnd des Sloss Veyen Auwe vnd vort sulch Recht vorderonge vnd Aenspraich as wir gehadt haint of hauen moichten zo dem Erfhoifmeister Ampte des Lantz van Guilg vnd zo den Lehn vnd Lehnschaff des stiftz van Colne vnd der Stat van Colne yn alle der maissen na Lude der besegelder brieue dar ouer sprechende Vnd dan her Rutger van Vraentze Ritter vnse lieue eidom zo der vurschr.helften des Sloss Veyen Auwe, zo dem Erfhoifmeister Ampte Lehn vnd Lehnschaff vurs. Recht vorderinge vnd Aenspraich meynt gehadt zo hain off hedte eynigerwyse So Bekennen wir ouermits desen brieff dem vurg. her Heynrich vnd synen Eruen geloift zo hain vnd gelouen vur vns ind vnse Eruen yn gueden gantzen truwen In van vnsme eidom vurg. tuschen dit vnd kirsmis her na neist komende aen langer vertzoch eynen waill besegelden brieff zo weruen vnd In vort ouer zo geuen Inne haldende van worde zo worde vnd besegelt as her na beschreuen volgt Ich Rutger van Vraentze Ritter Doin kunt vnd bekenne offenbeirlich vur mich ind myn Eruen Dat ich belieft vnd gewilligit hain belieuen vnd willigen vollentlich vur mich ind myn Eruen ouermitz desen brief Sulchen Erfkouff as dan Huge vamme Grene vnd Eue syn elige huysfrouwe myn lieue Swegerhere ind swegerfrauwe gedaen ind aengegangen haint mit heren Heynrich vamme Geisbusche Ritter Aentreffende yre helfte des Huys ind Sloss Veyen Auwe &. In alle der maissen na Innehalden des Erfkoufbriefs dar ouer besegelt sprechende Vnd hain dar vmb vort luterlich ind genslich vertzegen vnd vertzien vur mich ind myn Eruen ouermitz desen brieff vp alle Sulchen Recht vorderonge ind Aenspraich as wir vur Datum dis briefs zo der vurs. helften des Sloss Veyen Auwe, zo dem Erfhoifmeister Ampte des lantz van Guilg, zo den Lehn ind Lehnschaf des stiftz van Colne vnd allen yren Rechten vnd zo behoeren yn dem vurs. Erfkouff vnd brieue mit beroirt, van eynicher verschreuongen geloifden of zo sagens wegen van mynen Swegerheren vnd swegerfrauwen vurg. of sus anders da aen gehadt hain, of hain eynigerwyse Ich noch myn Eruen noch nyemans anders van vnsen wegen nu vortaen nummerme vorderinge noch Aenspraich dar aen zo legen noch zo keren geyne wys noch zyt bis zo ewigen dagen zo, aen Indracht of geuerde ind sonder alle Arglist Vrkunde myns Segels vur mich