Beiträge zur Genealogie der adligen Geschlechter 4 (Strange)/069
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 2 3 | Heft 4 | 5 6 7 8 9 10 11 12 | |
| Glossar | |
| GenWiki E-Book | |
| <<<Vorherige Seite [068] |
Nächste Seite>>> [070] |
| |
| Hilfe zur Nutzung von DjVu-Dateien | |
| Texterfassung: fertig | |
| Dieser Text wurde zweimal anhand der angegebenen Quelle korrekturgelesen.
| |
dis brieffs bewilligen ind belieuen in alre maissen as vurs. steit Dair vmb hain wir ouch vnser beider Siegell an diesen brieff gehangen Gegeuen Int Jaire vnsers Heren geburten Duysent vierhondert zwey ind Echtzich des Seesindzwentzichsten dags In deme Apryll
2. Das Capitel zu Aachen verkauft die von Andreas von Harff erworbenen Güter zu Puffendorf und Ederen den Ehegatten Heinrich von Vercken und Maria von Ophoven im J. 1488.
Wir Vicedechen ind gemeyn Capittell vnser lieuer vrauwen kirchen Zachen Doin kunt allen die diesen tgainwoirdigen brieff sullen siehen off hoiren leesen Ind bekennen offenbeirlichen dat wir mit vnsen gueden vryen moitwillen gemeyn Capittell ind ryffen vmraidt dair up gehadt vnser kirchen meiste nutze vrber ind profyte angesiehen mit deme vesten ind vroemen Heynrich van Vercken ind Maria van Vphoeuen synre anderre eliger huysfrauwen eyns steytlichen wysslichen erfflichen ind ewigen kouffs oeuerkoemen synt ind die selue Heynrich ind Maria Eluyde widder vns gegoulden ind wir in Naeme ind van wegen vnser kirchen yn ouch reicht ind redelichen verkoufft hain ind verkouffen vestlichen vur vns ind vnse Naekoemlingen der wir vns ouch her Inne gemechtiget haint ind mechtigen eyn Huyss ind Hoff zu Puffendorp In deme Lande van Guylge gelegen mit alle syme getzyinmer gebuwes Bungairden gairden weyden wyeren Ackerlandt Dryesschen Houltzgewelden Tzienden Capuynen Hoenre ind penninckzgelt Ind voirt mit alle syme Zubehoire vyssgeldens ind Inngeldens so die vnser kirchen ind vns zugehoirent gelych ind In alremaissen as wir diese selue vurs. guede herbeuore guedt tzyt van Jairen bis up huede Datum diss erffkouffs brieffs Inngehadt ind In styllen besessen ind ouch restlich ind vredelich In naeme ind zu behoeue vnser kirchen ind vnss gantzen Capittels zo vnsen waile beuallen genossen ind gebruycht haint In beyden Dynckmailen zu Puffendorp ind zo Ederen ind dairumbtrint gelegen in nassen ind in druegen nyet dae van vyssgescheyden Ind so is diese erffkouff geschiet vmb eyne gewyssliche erffgelt Renthe as nemelich vur vunff