Beiträge zur Genealogie der adligen Geschlechter 4 (Strange)/060

Dries moider ind myt den seluen Dries angegangen hauen antreffent den tzienden zu Sittart gelegen in wilchen kouff Dries vurs. den heren des Capittels vurg. syne guedere zo Puffendorp ind zo Ederen zo vnderpande verschreuen hait &c. So sullen die vier gekoren vrnnde dye Heufftsomme des vurs. kouffs mit den vpkomelingen ind geburlichen schaiden oeuerleghen ind maichen eyne somme da van ind dye somme sall Dries vurs. den heren des Capittels vurg. widder gheuen off hie sall yn verschryuen ind waile siecher maichen Jairs van hundert gulden vonff der vurs. gulden vp eynen widderkouff off hey sall yn yre vnderpant dat hey yn also verschreuen hait lygen laissen Ind off dye vier gekoren vrunde eynchen stoyss hie inne kreghen den sullen sy brenghen an dye Scheffen des Heufftgerichtz van Guylge vurs. Ind dye mit den vier gekoren vrunden sullen den stoyss brechen Ind des haint dye geschickde vrunde der heren des Capittels vurs. yre bestondynge genoemen an yre Capittels heren in dem besten zo brenghen Ind wae dye des dan eyn bewoeghen haint dat sullen sy van stunt zo Guylge in des vaightz huyss myt schryfft verkondigen in wilcher schryfft sy ouch yre frunde dye sy hertzo kiesen werden myt naemen noemen sullen Ind dat sall der vaight dan deme vurg. Dries verboithschafften Gedyngt des neisten Donrestaigs nae sente Nicolaus daich Anno Eynindeichtzich Ind so dan die vurg. unse gekoren frunde vns der scheydonghen eyn schryfft ouergegeuen haint in wilcher schryfft sy vns beyde parthyen as dye vurs. heren Dechen ind Capittell ind mich Dries vurg. alle der gebreichen wir vur datum dis brieffs vnder eynanderen zo doinde gehadt moigen hauen nyet da inne vyss noch affgescheiden guitlichen vereynicht ind gescheiden haint wilche scheidonghe ouch van worde zo worde ind van punten zo punten hernae beschreuen volght Ind luydt alsus Zo wissen dat wir Wernher van Palant here zo Breydenbendt ind Henrich van Vlatten erffschenck des landtz van Guylge as van wegen der wirdiger heren Dechens ind Capittels vnser lieuen frauwen kyrchen zo Aich vort Wilhem Gryn van Aldenhoeuen ind Daem van Rurich als van wegen Dries van Harue genant van Puffendorp als vier gekoren vnparthylige scheidber dadyngsluyde tusschen den vurg. parthyen vmb alsulchen gebreichen ind anspraichen dye vurs. heren Dechen ind Capittell zo sprechen gehadt haint an