Beiträge zur Genealogie der adligen Geschlechter 3 (Strange)/092
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 2 | Heft 3 | 4 5 6 7 8 9 10 11 12 | |
| Glossar | |
| GenWiki E-Book | |
| <<<Vorherige Seite [091] |
Nächste Seite>>> [093] |
| |
| Hilfe zur Nutzung von DjVu-Dateien | |
| Texterfassung: fertig | |
| Dieser Text wurde zweimal anhand der angegebenen Quelle korrekturgelesen.
| |
10. Catharina von der Leyten Wittwe des Zeris von Calcum verpachtet ihre leibzüchtigen Güter zu Calcum dem Gerart von Bodlenberg im J. 1445.
Ich Kathryna van der Leyten elige huysfrauwe wilne Zeris van Caelchem dem got gnade doin kunt allen luden Ind bekennen offentlichen mit dissem brieue vur mich ind myne Eruen dat Ich recht ind redelichen vyssgedain indzo pecht erlaessen hain Gerarde van Bodelenberge den man noempt Schirpe de van mir gepecht hait sulchen lyfftzucht ind lyfftzuchtich Recht as Ich hain an allem erue ind guede dat mir Zeris selige na syme doide gelaissen hait ind dat Ich mit yem besessen hain zo Cailchem gelegen vur Eicht kouffmansgulden Jairlichs pechtz die mir Gerart vurs. vur sich ind syne Eruen geloifft hait alle Jaere myns leuens ind nyt langer bynnen die Stat Keysersswerde in myn vry sicher behalt zo leueren ind waile zo betzalen Ind dair tzu sall Gerart vurs. off syne Eruen sullen betzalen ind vernoegen heren Herman van Winckelhusen Ritter sulchen Summa geltz alz Ich dem seluen heren Herman schuldich bin na lude ind vysswisonge sulcher brieue as her Herman vurs. dair up van mir besegelt hait Ind off mir Gerart vurs. an eynchen punten vurs. verbroech ind nyt enhielt wie vurs. steit So sall hee mir dair vur leystonge halden Ind voirt doin na lude ind Innehalt sulchs brieffs as dair up van dem seluen Gerarde besegelt hain Alle ind igliche punten diss briefs geloeuen Ich Kathryna vurs. vur mich ind myne Eruen in gueden truwen dem vurs. Gerarde ind synen Eruen vaste ind stede zo halden Ind dair weder nyt zo doin in eyncher wyse Sonder alle argelist ind geuerde Ind diss zo getzuge der wairheit hain Ich Kathryna vurs. myn Segel vur mich ind myne Eruen hyr onden an desen brieff gehangen Ind zo noch meerre kunden hain Ich voirt gebeden die Eirbere lude Gadart van Hanxleide Wilhem van Caelchem Wolter van der Bruggen Richter Johan Daerenbusch ind Kirstgin van Spilbergh Scheffenen zo Cruytzberge dat Sy yre Segele mit an desen brieff gehangen haint Dat wir Gadart van Hanxleide Wilhem van Cailchem Wolter van der Bruggen Richter Johan Daerembusch ind Kirstgin van Spilbergh Scheffenen vurs. bekennen waire zo syn Ind vmb beden wille Kathrynen vurs. zer kunden gerne hauen besegelt Gegeuen In