Beiträge zur Genealogie der adligen Geschlechter 3 (Strange)/090
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 2 | Heft 3 | 4 5 6 7 8 9 10 11 12 | |
| Glossar | |
| GenWiki E-Book | |
| <<<Vorherige Seite [089] |
Nächste Seite>>> [091] |
| |
| Hilfe zur Nutzung von DjVu-Dateien | |
| Texterfassung: fertig | |
| Dieser Text wurde zweimal anhand der angegebenen Quelle korrekturgelesen.
| |
gantz ynne befunden hauen, vns sere ho trefflich zo dem besten geholffen hait, zo vnsen Landen Slossen ind Ampten weder zo komen, des wir vns gunstlichen vntgain yn bedancken, Ind hauen yem darumb zo behoiff syn, frauwe Mettelen synre eliger huysfrauwen Ind frauwe yrmgart yrre eliger doichter ind yren eligen lyffseruen, van vnsen sunderlingen gunsten ind genaden, qwyt ind fry gegeuen, qwyt ind fry geuen in crafft dis seluen brieues Alle sulchen tzienden as hey vns alle Jairs van syme houe Erue ind guede in der Beedlacken schuldich is ind wirt zo geuen, gelegen in dem kirspell van Calchem, den hey dar kurtz hie bevoeren van heyden wylden wustem lande den meistendeill gemacht hait ouermitz wyer ind ander besserunge hey daran gelacht, Also wat vns van dem vurg. Erue ind guede van tzienden lande dar In gehoerende ind gebuwet wirt, nu ind in allen zokomenden tzyden ind Jaren geboeren mach werden, wat des dan were off is, hain wir dem vurg. hern Aylff synre huysfrauwen yrre doichter ind lyffseruen vurs. gentzlichen ind zo maille erlaissen, qwyt ind fry gegeuen, qwyt ind fry geuen in crafft dis brieues, wir vnse Eruen ind nakomenen noch nyemant anders van vnsen wegen nyet van den tzienden vurs. furderen noch gesynnen ensullen noch enwillen, doin furderen noch gesynnen vpheuen in geynrewys, Vort hain wir Hertzouch ind Hertzouchgynne vurs. vur vns vnse Eruen ind nakomenen dem vurs. hern Aylff synre huysfrauwen yrre doichter ind yren lyffseruen off besitzer yrre Moelen zo Einer vp der Duysselbeeck gelegen, Ind van vnsen sunderlingen genaden ind gunsten gegeuen, zo laissen, ind geuen in crafft dis brieffs, dat alle vnse alinge honschafft van Elner wat luyde dar enbynnen wonafftich synt, off herna wonafftich werden, ouergeuen ind verschriuen in crafft dis brieffs, vp der vurg. Moelen zo malen yre vrucht, vur sulchen molter as gewoenlich is, dat wir yn also ernstlichen, den vurg. honschafftluden, beuelen ind gebeden van vnsen wegen so zo doin, ind hern Aylff synre huysfrauwen yrre doichter ind yre lyffseruen, off besitzer der moelen vurs. gehoirsam zo syn ind nyrgent anders die fruchte zo malen doin off malen laissen, dat wir also gehat ind gedain willen hauen, Ind hauen yn ouch mit erloufft gunnen beuelen ind erleuuen in crafft dis brieffs, off sache were off wurde dat der egenanter lude off Ingesessen