Beiträge zur Genealogie der adligen Geschlechter 3 (Strange)/088
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 2 | Heft 3 | 4 5 6 7 8 9 10 11 12 | |
| Glossar | |
| GenWiki E-Book | |
| <<<Vorherige Seite [087] |
Nächste Seite>>> [089] |
| |
| Hilfe zur Nutzung von DjVu-Dateien | |
| Texterfassung: fertig | |
| Dieser Text wurde zweimal anhand der angegebenen Quelle korrekturgelesen.
| |
van Elner heren Rutgers soen seilger gedacht Ind Agnesen synre eliger huysfrauwen Tzweyn Erffkyntdeile des foirstes gelegen tusschen Elner ind dem Rodenberge Na lude ind ynnehalde sulcher Erffkouffbrieue wir van den vurs. wilnee eluden Wilhelm ind Agnesen dar ouer sprechende hatten An wilchen tzweyn Erffkyntdeilen des foirstes die vurgenante elude Wilhelm ind Agnese vur sich ind yre eruen ouch eynen wederkouff ind Loesse behalden hatten Also dat sy ind yre eruen off die heilder yrss wederkouffbrieffs myt yrem goiden weissen ind willen die weder vmb an sich gelden ind loissen mochten Alle ind yglichem Jairs zo dem erffligem ewigem dagen van vns ind vnsen eruen myt Dryhondert kouffmansgulden Na lude ind ynnehalt desseluen wederkouffbrieffs wir yn weder vmb dar ouer gegeuen hatten Ind asdan die vurs. Agnese nagelaissen wedewe des egenanten seilgen Wilhelms Ind yre tzweyn elige soene Wilhelm ind Johan van Elner den Eirsamen ind vroemen heren Aelff quaden Ritter den seluen wederkouffbrieff myt yrem goiden weissen ind willen gehantreicht ind ouergelieuert hatten Ind yn dar myt mechtich gemacht hatten die vurs. Tzweyn kyntdeile des foirstes an sich van mich off van mynen eruen zo losen ind zo gelden Na lude des vurs. wederkouffbrieffs &c. Des So bekennen ich Fya vurs. vur mich ind myne eruen Dat die vurgenante her Aelff quade Ritter die selue Zzweyn kyntdeile des foirstes also van macht des vurs. wederkouffbrieffs weder vmb van mich gegoulden ind geloist hait myt Dryhondert kouffmansgulden als vurs. stain Die ich van ome aldeger ind zo maill zo mynen vrber ind nutze entfangen ind geboirt haue Ind schelden dar vmb den vurgenanten heren Aelff ind syne eruen Ind vort alle die gheyne die des quytancien behouent van yre wegen antreffende is off antreffende mach werden van den vurs. Dryhondert kouffmansgulden vur mich ind myne eruen loss ledich quyt ind aldeger waill betzailt zo dem erffligem ewigem dagen tzo ouermitz desen brieff ayn alle geuerde Ind haue dar vmb den seluen heren Aelff die vurs. Erffkouffbrieue Ich vp die vurs. Tzweyn kyntdeille Ind alle andere brieue Ich vp den vurs. foirste ind foirster broicke iu eyncher wyss sprechende hatte myt mynre gantzer wyste ind goidem willen gehantreicht ind ouergelieuert Ind der seluer brieue eynen rechten heilder ind eruen gemacht ind machen myt krafft disseluen