Beiträge zur Genealogie der adligen Geschlechter 3 (Strange)/071
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 2 | Heft 3 | 4 5 6 7 8 9 10 11 12 | |
| Glossar | |
| GenWiki E-Book | |
| <<<Vorherige Seite [070] |
Nächste Seite>>> [072] |
| |
| Hilfe zur Nutzung von DjVu-Dateien | |
| Texterfassung: fertig | |
| Dieser Text wurde zweimal anhand der angegebenen Quelle korrekturgelesen.
| |
in Colne. Vnd dar entgheen sall ich Agnese van Byedburch wedewers van Ensseryngen floirssen myner doechter myt Johan Naille dem Jungen zo hylichs guden vnd medegauen geuen vyerhondert guyde sware ouerlensche Rynsche gulden vnd as lange yn dye nyet gegeuen enwurden aso lange sall ich Agnese den egenanten Eluden alle Jare bezalen vyrtzich der vurs. gulden sonder eynchen affslach der vyerhondert gulden. Vnd ich Agnese han ouch myn deyll des Sloss zo Byffeltz myner doechter florssen myt Johan Naille Eluden vurs. zo hylichs gueden gegeuen so wanne Johan myn eydom des an myr gesynnen wurde so sall ich asdan dat selue myn deyll zo Byfeltz zo yren vrber In laissen des zo yrme notz gebruychen na lude des burchfreden brieffs as geburlich ist. Vnd ist gevurwert aff sach were dat Johan Naille der Junge van doitzhaluen affgyenge ee florsz syne huszfrauwe sonder nagelaissen leuendige lyffsgeburt van yn beyden geschaffen so sall flors yre leuen langk blyuen sitzen gerast vnd geroillich in den hylichsgueden zo Kuychenheym vnd der zo alle yrme notz gebruychen vnd na yrme dode sollen dye selue hylichsguede vnd alle ander guede die Johan an sy braicht vnd gelaissen hedt wydder hynder sich gefallen syn an vns Johan Naille vnd Greitgin elude aff an vnse neste Eruen die dan weren. Were ouch sache dat flors afflyuich wurde ee Johan sunder nagelaissen leuendige lyffsgeburt van yn beyden geschaffen So sall Johan sin leuen lanck blyuen sitzen an sulchen hylichsgueden vnd an allen anderen guden die flors an yn braicht vnd gelaissen hedt vnd der zo syme notz gebruychen vnd as Johan dan gestoruen ist so sollen die selue guede widder hynder sich an florssen neste eruen gefallen sin Were ouch sach dat Johan Naille vnd flors elude yre vader vnd moder verleeffden so sall he zo gelycher deylongen stain an allen vnsen gueden mit sinen susteren vnd broederen dye dan recht zu syner deylongen hedten vnd dyesze hylichsguede vurs. wir yme gegeuen han die sall he vur vysz behalden vnd dan aff sall he keyne deylungen doin noch ouch nyt behoeuen dye hylichsguede vurs. In zu werffen vnd bye vnszer gifft blyuen vnd behalden sall Dar entgheen han wir vnszer doichter Euen dat guyt zu Polle vnd vort ander gereyt guyt gegeuen vnd ouch vnszer doichter Greytgin vunfftzehen hondert gulden gegeuen Dar vmb sall he