Beiträge zur Genealogie der adligen Geschlechter 3 (Strange)/066
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 2 | Heft 3 | 4 5 6 7 8 9 10 11 12 | |
| Glossar | |
| GenWiki E-Book | |
| <<<Vorherige Seite [065] |
Nächste Seite>>> [067] |
| |
| Hilfe zur Nutzung von DjVu-Dateien | |
| Texterfassung: fertig | |
| Dieser Text wurde zweimal anhand der angegebenen Quelle korrekturgelesen.
| |
ind bewedommen sy in crafft diss brieffs uff dat Dorf zo Hartzem mit syme zobehoire so we dat gelegen ist ind ich des ytzunt yngebruychen byn nyt da van vsgescheiden vnuersadt ind vnuerpandt vnd dar zo vunff foider wyns alle Jaire zo Clotten mit yren fassen vf dem besten gewasdumpt mir ader mynen Eruen Jairlichs da schynende werden, die Ir alle Jaire viertzien dage vur off XIIII dage na sent Mertyns dage van mynen Eruen off dat gefiele vnbesweirt zo Clotten gelieuert sullen werden, ind diss alles ir leuenlanck ind yn wedumps vurwerden gebruychen, Ind were sache dat ich Geirlach vurg doidtzhalffen affgienge ee de vurs. myne lieue elige huysfrauwe, ind kynder liesse van vns beyden geschaffen So lange der vurg. mynre lieber huysfrauwen dan gelieffde vnuerandert by uns beyder kynder zo blyuen, in dem huys zo Liessyngen ader zo Clotten, wilch mir Geirlach zogedeilt wurde vnd yn allen mynen nagelaissenen guderen, sall Ir van mynen Eruen nyt geweygert werden, Dan so balde sy sich veranderde, sall Ir nyt me volgen, dan yre wedumpt vurs. ind das huys bynnen dem dorffe zo Clotten gelegen by dem Borne genant de leuffe ind des yn wedumps wyse gebruychen yre leuenlanck vnd vort yre Cleynoide ind Cleyder wat zo yrein lyue gehoerich ist Ind hyr mit eyn genoigen han vnd vorter keynre Erffschafft pantschafft schoultbrieuen ader segelen vnderwynden, Gefielet ouch dat ich Geirlach dat got verhoide affgienge ee myn elige huysfrauwe vurg. ind keyne geburdt van vns beyden geschaffen liesse sall ich Margrete vurg. alsdan mit myme wedumpt wederfall vnd der wanungen bynnen dem Dorffe Clotten vurg. affstayn mit dem huysraide halff in der huyser eyme Liessyngen ader Clotten willich myme huyswirde zogedeilt wirt, Were ouch dat ich Margrete vurg. affgienge ee myn lieue huyshere vurg. sall he sich der hylichsgauen syn leuen lanck gebruychen vnd vur den wederfall der tzweyer duysent gulden hylichsgauen sall ich Geirlach van stunt an de tzwey duysent gulden belegen ind da mit loesen myne Erffschaff ader an andere enden Also off id zo dem wederfall queme dat got verhoide dat mynre huysfrauwe vurg. ader yre Eruen des wederfals sicher ind vngehyndert syn Ind dat mit raide vnss beyder frunde ind nemmelich hundert gulden geltz Jairlicher Renten, uff mynre eygener Erffschaff zo bewysen, de Jerlichs zo geuen