Beiträge zur Genealogie der adligen Geschlechter 3 (Strange)/051
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 2 | Heft 3 | 4 5 6 7 8 9 10 11 12 | |
| Glossar | |
| GenWiki E-Book | |
| <<<Vorherige Seite [050] |
Nächste Seite>>> [052] |
| |
| Hilfe zur Nutzung von DjVu-Dateien | |
| Texterfassung: fertig | |
| Dieser Text wurde zweimal anhand der angegebenen Quelle korrekturgelesen.
| |
her Johan vurs. dit vurs. guet nu ain van mir off mynen Eruen ontfangen sal mit eyme syden budel ind vonff marcken Ind dat as ducke as des noit geburt dar nae van mir mynen Eruen ind naekoemlincgen Ind as dese vurs. Jaeren ind dach vmb synt Dan sal ich myne Eruen ind naekoemlincge helder dis brieffs vort an dae mit belenen as vurs. steit aen argelist Ind her Johan off helder dis brieffs vurs. en soelen dat vurs. guet nyet furder besweren noch verpenden zo gheynen anderen henden sunder oirloff myn mynre Eruen off naekoemlincge Ind man sall des dychs gebruchen zo deme vurs. guede as man bis her zo gedain hait aen des moelners wederdoin Ind her Johan off helder vurs. soelen alle kirchen ind buschrecht Jaers hie van betzalen vyssgescheyden dry Summeren rocgen die dit vurs. guet Jaers gilt der kirchen zo Auwe die sall ich myne Eruen off naekoemlincge Jaers betzalen Ind ich off myne Eruen ind naekoemlincge vurs. sullen dit vurs. guet vermannen dae sich dat geburt Ind sullen helder dis brieffs an der vryheit dis guetz halden ind verantwerden Ind ouch verdadoncgen dae yn des van dis guetz wegen noit geburde Ind an anderen enden as Leenheren yeren leeluden ind pechteren schuldich synt zo doin Ind her Johan off helder dis brieffs vurs. sullen dit vurs. guet nu ain buwen ind bewanen off doin bewanen Ind die ghene die dat guet bewanen besitzen die soelen ouch die heirlicheit ind vryheit dis guetz ind wat dar zo geburt hueden ind halden nae yrme vermogen Ind verkurde off tasde yemans dar ain So wes sy dan nyet gekeren en kunden dat sullen sy an mich myne Eruen ind naekoemlincge brencgen Ind her Johan off helder dis brieffs vurg. sullen alle Ingelden ind Renten dis vurs. guetz vpheuen ind vp dit vurs. guet stellen ind mir mynen Eruen off naekoemlincgen Jaers ouermessen ind leueren Ind wurde ouch ynch hoeffs guet vpgegeuen ind vnheuelich dat sall man mir mynen Eruen off naekoemlincgen rechenen ind dae mit betzailt hauen bis zo der zyt dat sulch guet weder heuelich is Vort so sullen ich myne Eruen off naekoemlincge vurs. den Egenanten her Johanne off helder dis brieffs vurs. Jaers geuen vur dat Sy disse vurg. myne Renten Jaers sullen vpheuen ind leueren Seess malder Euen ind eynen rock off Seuen marck guilghs geltz dar vur Ind were ouch sache dat yemans van den hoeffsluden off pechteren an der betzaloncgen