Beiträge zur Genealogie der adligen Geschlechter 3 (Strange)/045
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 2 | Heft 3 | 4 5 6 7 8 9 10 11 12 | |
| Glossar | |
| GenWiki E-Book | |
| <<<Vorherige Seite [044] |
Nächste Seite>>> [046] |
| |
| Hilfe zur Nutzung von DjVu-Dateien | |
| Texterfassung: fertig | |
| Dieser Text wurde zweimal anhand der angegebenen Quelle korrekturgelesen.
| |
ewelichen ind vmmerme yr Joir begant ind Joirgezyde zedoin mit vigilien ind mit seilmessen, mit vier kertzen ind mit eynem pelle, also als yn dat zeymlich ind vuchlich is, Ind solen sy beyde samen setzen inde schrieuen in vnse Commendacien buich by die ghene, der Joirgezyde wir des Joirs plegen zo doin Ind dis zu vrkunde der woirheyt Ind vmb gantze vast ewige stedicheyt alle dieser punten vurs. hain wir Else hurte Meistere Marie prierse nese Supprierse Inde gemeyne Conuent vurs. der vurs. vrouwe Elsen diesen brief gegeuen besiegelt mit vnss gemeynen Conuents anhangenden siegel Geschreuen ind gegeuen Int Joir vns Heren Dusent dryhondert Eichtzich Joir vp vnser vrouwen auent Concepcio In den Aduent
3. Ehevertrag zwischen Johann Hurth von Schoeneck und Johanna von Birgel v. J. 1446.
In namen des heren Amen Kunt sy allen luden die dyssen vntgaenwordigen breyff aynseynt ader hoeren lesen dat eyn wysslich Hylich gededynckt ind oeuer dragen ist tuschen deme vromen Johanne eligem Sone Johans Huerten Ind Annen synre eliger huysfrauwen vp eyne Ind Johannen elster eligen doichter des Strengen heren Engelbrechts Nyten van Birgell Ritters Erffmarschalck des lants van Guylche an die andere syde na Rade ind guetduncken der vrunde ind maige zo beyden syden In alsulcher voigen dat Johan Huerte der Jonge vurg. die vurg. Johannen zo eynre eliger huysfrauwen ind reychter Beeddegenoissen Ind die selue Johanne den vurg. Johan Huerten zo eyme eligen manne ind beeddegenoissen weder hauen sall Mit sulchen Hilichss vurwerden geloeffden punten ind articulen hye yn dysme breiffe begryffen ind her na beschreuen steent Zo wissen dat beret is zo deme eyrsten dat Ich Johan Huerte ind Anna elude vurg. deme vurg. heren Engelbrecht Nyt yn yrber ind namen Johannen synre doichter vurg. mit Johanne vnsen eligen Sone vurg. zo gesacht ind geloyfft hayn zo geuen ind zo bewysen Ind yn Crafft dis breyffs zo sagen geuen ind bewysen sullen an sulche ende ind Stede da Johan ind Johanne elude vurg. des waell sycher ind gewyss synt, Seeshundert oeuerlentscher Rynscher gulden moentzen der Kurfursten by Ryne erfflicher Jerlicher Renten Ind eyne wanonge zo Kestellen