Beiträge zur Genealogie der adligen Geschlechter 2 (Strange)/144
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 | Heft 2 | 3 4 5 6 7 8 9 10 11 12 Inhalt | Beilagen: A B C | Berichtigungen | |
| Glossar | |
| GenWiki E-Book | |
| <<<Vorherige Seite [143] |
Nächste Seite>>> [145] |
| |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
bewyst weren an Heren Johan yeren vader vurgenant ind syne neiste eruen komen ind vallen soillen Ind So dan Here Wernher van Gruntzfelt Rittere doitzhaluen affgegangen is der selen got gnedich syn moisse ind egheyne elige gebuirt mit ffrauwen Elysabeth synre eliger huisfrauwen vnser werder lieuer Suster nagelaissen en hait, dat hant wir Geirhart ind Johanna broder ind Suster vurg. as neiste erffgenamen Elysabeth vnser lieuer suster vurs. hylichsguetz vurs. bewegen ind betracht, offt saiche wurde dat vnser eyn Ee frauwe Elysabeth vnse suster doitzhaluen affgeynge Ind der ander van vns yeren doide erleiffde, so veill dan dat vurs. hylichsguet alleyn vp den der dat van vns erleiffde Ind des affgegangen kyndere weren des dan vntfreympt Dat wir Geirhart ind Johanna Broder ind Suster vurg. nae bewentenisse Ind ouch dat vnser egheyn des sicher ader gewys is weme sulchs hylichsguet vurs. alleyne zo vallen mochte Ind wir hant darvmb mit vnsem gueden vryen moitwillen ind vurraide dat alsoe besorget ind gemacht, ind yn crafft dis briefs vur vns ind vnse eruen maichen So wanne ind assbalde ffrauwe Elysabeth vnse werde lieue Suster doitzhaluen affgeit, dat got noch lange zo yere selen heill gevristen moisse Dat asdan die hondert ind zwensich malder roggen yere so Rodyngen vur vufftzeynhondert gulden bewyst syn, an Geirhart van Hoemen mynen lieuen broder ind so hey neit en were, an syne rechte neiste eruen ersteruen ind vallen soillen, sonder myn Johanna vurg. off mynre eruen so icht erleiffde wederstant ader Indracht dair an zo doen ader zo gescheyn laissen In eynicherwys, Dar vntgaen soillen ouch asdan die hondert ind zwensich malder roggen yere zo Butzdorp by aldenhouen gelegen vnd zo des Hertzogen Roede vur die ander vufftzien hondert gulden bewyst syn an Johanna van Hoemen myne lieue suster vurg. ind so Sy neit en were an yere rechte neiste eruen steruen ind vallen soillen sonder myn Geirhartz ind mynre eruen offt ich erleiffde wederstant ader Indracht dair an zo doyn ader zo gescheyn laissen yn eincherwys, Want wir Geirhart ind Johanna broder ind suster vurg. die Rente des hilichsguetz vurs. yn alle der maissen vurgecleirt steit also gedeilt ind erfflichen vur vns ind vnse eruen gescheiden hauen Ind so dan dit guet zo Buxdorp Mansguet des Doemproistz: yn Coelne ist ind ich Geirhart vurg. dat hebeuoeren Infangen