Beiträge zur Genealogie der adligen Geschlechter 2 (Strange)/140
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 | Heft 2 | 3 4 5 6 7 8 9 10 11 12 Inhalt | Beilagen: A B C | Berichtigungen | |
| Glossar | |
| GenWiki E-Book | |
| <<<Vorherige Seite [139] |
Nächste Seite>>> [141] |
| |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
gededynget ist, zusehen dem Strengen heren Johann van Eynnenbergh heren zu Landtzcrone vnd zu Drynburn Rytter synen eruen vnd nachkomen an eyne, vnd den strengen vnd vesten heren Claes vnd Goedart beyde heren zu Trachenfells vnd zu Oelbrucken gebruederen yren eruen vnd nachkomen an die ander syte antreffende die hyrlicheyt van Koninxfellt vmb sulchen myssell vnd gebreche sy gehait hant Also dat verdedynget ist, so wanne die kyrche van Koninxfellt ledich vnd vellich wyrdt neste nach datum dis brieffs so sall sy Claes vnd Goedart off yre eruen die erste gyfft, des vurs. heren Johans off synre eruen gerechticheyt vnd gebuir [1]eyns geuen vnd nyt mee Vnd dar achter so sullen beyde parthyen obgenant die vurs. kyrche vnd gyfft zu ewygen dagen geuen malliche parthye nach syme andeyll vnd gerechticheyt vnde verschriuungen blyuen zu geuen Ouch ist beredt dat die beyde parthyen obgenant dat gericht zu Koninxfellt halden gebeden vnd gebruichen sullen mallich nach syme andeyll verschryuungen vnd gerechticheyt Ouch so sall Ickliche parthye, die ander laessen by syner erffschafft affgedeylten lueden vnd besess vre dat Ickliche parthye die besessen hant vmbtrynt funfftziche ader sesztziche Jaere lanck Vort ist beredt dat mallichs lude sich vnden eynanderen bestaeden sullen, myt sulcher vurwerden dat die staedellhoue besat blyuen beheltnyss mallych zu syme rechten myt vys vnd Jnnzoghe Vnde her vff so sullen beyde parthyen obgenant vur sy vnd yre eruen alre gebreche so we sich die Inne eyncher wyse bis vff dach datum dis bryeffs ergangen hant gentzlichen gescheiden vnd gesunnet sin vnd des zu gezuyge der waerheyt so hain ich Johann van Eynnenbergh here zu Landtzcrone vnd zu Drynburn Rytter myn Inngesygell vur mych vnd myne eruen her ane gehangen vnd Ich Claus here zu Trachenfells vnd zu Oelbrucken Rytter han myne Sygell vur Goedart mynen broedermych vnd vnse eruen ouch her ane gehangen Wante dann die Erbaren Emmerich van Zyssen Sybricht van der Are Thylgin van Emme vnd Peter Wulkwyne van Zyssen dysse vurs. guitliche scheydunge zusehen vns parthyen gededynget hant so hain myr sy sament gebeden as dedynges lude dat mallich van Inn syne
- ↑ Man ergänze etwa unbeschadet, vorbehalten.