Beiträge zur Genealogie der adligen Geschlechter 2 (Strange)/138
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 | Heft 2 | 3 4 5 6 7 8 9 10 11 12 Inhalt | Beilagen: A B C | Berichtigungen | |
| Glossar | |
| GenWiki E-Book | |
| <<<Vorherige Seite [137] |
Nächste Seite>>> [139] |
| |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
desem wedom wann Margreta geyn Lyffs eruen en hette, Sall sy gebruichen die upkompst yrs Hylichsgutz ind wat dartzo van yrrer syden herkomen were an sy ind Sy gesamenderhant gewonnen ind geworuen hetten, ind mit hauen dat huyssrait des gereiden gutz dan beheltlich dat zo den Slossen gehoirt da up zo bliuen, So dat syne gewoenheit ind herkomen hait, Ind na Margreten doide sall dat fallen ind komen in maissen vur up Conen doit geschreuen steit off hey der leste were, Sonder alle argelist ind geuerde die mit allen ind yeckligen excepcien ind clausulen van behulp ind beschutniss alre rechte ind gerichte die in eyncher wys weder eynche deser vurs. punten ind artickulen syn mochten die vur off na in desem brieff geschreuen ind begriffen staint, hie Inne gentzlichen vissgescheiden syn sullen Ind sall darup van beider parthyen wegen gentzlichen ind luterlichen vertzegen syn, dar tgain herweder nummerme zo gebruichen noch soechen in eyncher wys Ind ich Johan van Nesselroide lantdroiste des lantz van dem Berge van mynrer doichter Margreten wegen vp die eyne, Ind wir Johan van Eynenberg Ritter Here zo Lantzkrone ind zo Drynborn ind frauwe yrmgart elude van vns sons Conen wegen up die andere syde Doin kunt ind bekennen in desem offenen brieff vur vns vnse Eruen ind nakomelingen dat deser tgainwordiger Hylich ind alle punten vurg. ouermitz vnse mage ind frunde zo beiden syden hernageschr. mit vnser guder wist belieffnisse willen ind ouergeuonge gedadingt ind geschiet synt, Ind hauen darumb geloifft ind gelouen ind eyn yecklich van vns besonder by vnsen eren in guden sicheren truwen ind rechter eidtstat vur vns vnse eruen ind nakomen desen vurg. Hylich alle sachen ind punten innenhalde dis brieffs so lanck dat vnser yecklich van vns antreffen is ind antreffen mach werden, gentzligen zo vollentzien vast stede zo halden, ind dem na zo gain, ind dar weder noch vntgain neit zo suechen noch zo doin, mit eyncherkonne Sachen behulp wercken noch wederstant dat sy geistlich off werenclich wie man die off dat erdencken doin off vurnemen mach ader mochten in eyncherwys sonder alle geuerde ind argelist Ind ich Johan van Nesselroid Lantdroist vurg. Ind wir Johan van Eynenberg Ritter ind frauwe yrmgart elude, hauen des alles zo vrkunde ind getzuge der wairheit vnser yecklich syn Segell vur vnser beider kynder