Beiträge zur Genealogie der adligen Geschlechter 2 (Strange)/136
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 | Heft 2 | 3 4 5 6 7 8 9 10 11 12 Inhalt | Beilagen: A B C | Berichtigungen | |
| Glossar | |
| GenWiki E-Book | |
| <<<Vorherige Seite [135] |
Nächste Seite>>> [137] |
| |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
van yn beiden zo samen geschaffen Ind also mit sulchem vnderscheide were sache, dat die vurg. Coen ind Margriet elude Lyffseruen van yn beiden zo samen geschaffen gewynnen ind krigen wurden, Alsulchen yre Lyffseruen sullen an die vurs. Sloss heirlicheit pantschafft erffschafft ind guede ind an alle alsulchen anbrengen as sy zo samen bracht hetten, geerfft syn, na recht ind gewoenden der ende ind stede da die gude belegen synt, Ind ouch also off sache were, dat eynche der vurs. elude Cone ind Margriet affliuich wurde, sonder lyffseruen van yn beiden zo samen geschaffen ind gelaissen off dat Sy Lyffseruen as vurs. is, zo samen hedden die der affliuige liesse ind die selue lyffseruen darna affliuich wurden ind affgiengen bynnen leuen des lesten leuendigen van yn beiden, So sall asdan Coen off die der leste leuendige bleue, syn leuenlanck bliuen sitzen an alle ind yecklige der vurs. eruen ind guden Slossen ind hirlicheit ind Hylichsgutz dat Sy zo samen gebracht hedden, as vurs. is, Ind dat Sy dartzo gewonnen ind geworuen hedden, des zo samen gebruichen restlich aller upkompst syn leuenlanck Sonder vnderlais, Ind na syme doide sall der Hylichspennynck Dryduysent oyuerlenssche gulden, Ind dartzo wes me ind vorder van der syden van Nesselroide van byfall off anders herkomen an Coenen ind Margrieten off yren Lyffseruen, off dat Sy zo samen erworuen hedden, Sall vallen ind komen weder hinder sich an Margreten nyesten eruen, na recht ind gewoenden des lantz van dem Berge, Ind off got der Here verhengde dat Margriet die leste leuendige bleue, ind Lyffseruen hedde ind beheilte na Conen doide van yrrer beider lyue herkomen so sall die selue Margriet bewedompt syn, ind bewedomen sy an dat huyss ind geseess zo Syntzich dat zo behoert der heirschafft van Lantzkroen wie dat da gelegen is mit syme zobehoere dartzo sall Sy hauen Jairs yre leuenlanck vierhundert ouerlenssche gulden der man sy sichere machen sall, Jairs zo voulgen ind betzailt zo werden, ind Sy bewysen in crafft deser Hylichsvurwerden an die sichere Renten zo Lantzkroen behoirt zweyhundert ouerlenssche gulden an pennyncksgelde, die andere zweihondert ouerlenssche gulden an wyn korn fruchten yr dat dan annemste is na yrrer gestalt dat Sy des eyn sicher ind damit verwart syn, Ind wat dan da me were ind ouerrich bleue, dan die vierhundert gulden vurs. van