Beiträge zur Genealogie der adligen Geschlechter 2 (Strange)/128
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 | Heft 2 | 3 4 5 6 7 8 9 10 11 12 Inhalt | Beilagen: A B C | Berichtigungen | |
| Glossar | |
| GenWiki E-Book | |
| <<<Vorherige Seite [127] |
Nächste Seite>>> [129] |
| |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
sonder elige geburt ind lyffseruen van eme ind mynre doichter zo samen geschaffen na eme liesse Ind sine eruen dan quemen ind sprechen wulden die pantbrieue van Keysersweirde stoinden vp den vurs. heren Johan van Eynenbergh ind sine eruen sy weren die nyeste eruen zo den brieuen, Ind ouch off her Johan vurs. mir bynnen syme leuen off yemans anders van sinen weigen in die pantbrieue dragen wulde, vmb dat ind anderen krut ind schaden sich da van Intstayn moechten zo verhoiden So hait mich here Johan myn eydom vurs. zo eme in den Burchfreden zo Lantzkrone komen laissen In deser wyss heirna geschreuen volgt, Mit sulcher vurwarden off id sache were dat her Johan myn Eydom vurs. sonder elige lyffs eruen van mynre doichter ind eme zo samen geschaffen affgienge Ind dat dan syne eruen mir ader mynen eruen oder yemantz anders van yren weigen in den wederfall vurs. ader in die verschryuonge van Keysersweirde gedragen wurde in eyncher wyss Rychtlich off sust anders, Dat asdan zo stunt sin gemeynne kellenner Thurnkneicht wechter ind portzener zo Landtzkrone yetzunt da sint off namails dar komen weirden dat sloss Landtzkrone yn geuen ind intfangen sullen Ind dat asdan so lange Innehauen ind behalden sullen na lude der verschryuonge der obgenante her Johan myn eydom darup gegeuen hait, Bis so lange mir ind mynen eruen van eme ind sinen eruen sulche beswernisse krut ind schaden da van ader darumb Intstain moechte affgedragen ind gekiert weirde allit na lude des vurs. briefs, Also bekennen Ich Ailff Quade vurs. vur mich ind myne eruen ouermitz desen seluen brieff, Dat ich nu mit deme vurs. heren Johanne van Eynenbergh myme eydom eynen vasten steden Burchfreden zo Lantzkrone mir ind mynen eruen zo vnser vurg. verschryuonge geloifft gesichert ind zo den Heiligen geswoiren hain geloyuen sicheren ind zo den Heiligen sweren ouermitz desen brieff wair vaste stede ind vnuerbruchlichen zo halden na Innehalt des burchfreden briefs zo Landtzkrone Sonder alle argeliste ind geueirde want dat gentzlichen ind alle zo male in allen dis briefs punten vyssgescheiden is, Deser dinge zo vrkunde ind getzuge der wairheit ind gantzer vaster stedicheit hain Ich Ailff Quade Ritter vurs. myn Inges. vur mich ind alle myne eruen vnden an desen brieff gehangen, Ind want dan her Euerhart Quade Ritter myn lieue broder