Beiträge zur Genealogie der adligen Geschlechter 2 (Strange)/123
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 | Heft 2 | 3 4 5 6 7 8 9 10 11 12 Inhalt | Beilagen: A B C | Berichtigungen | |
| Glossar | |
| GenWiki E-Book | |
| <<<Vorherige Seite [122] |
Nächste Seite>>> [124] |
| |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
mach Conegunt vnse doichter vurs. off yre reichte Lyfs Eruen dese vurg. yre Hylichsguede ynbrengen zer deyllongen Ind mach mit anderen vnsen kynden ind Lyffs Eruen deillen alle Erue ind guede die van yrre moider weigen heir komen synt dar zo sy geboiren were Vort haint Wynrich ind Conegunt Elude vurg. vertzegen luterlichen gentzlichen ind alle zo maille vp die hirschafft van Landtzkrone Slosse lande ind lude die vp dese zyt dar zo hoerent off her namails dar zo komen off gehoerich moichten werden in eyncher wyss Ind vort vp alle Erue ind guede gulden ind Renten so wie man die nennen mach So wa ind in wilcher heren landen ind gerichten die geleigen synt die van mir Johanne van Eynenberg here zo Landtzkrone ind van mynen alderen heirkomen synt nyet da ane vyssgescheiden Ind sy en haint yn noch yren eruen da ane geyn Reicht vorderinge noch Anspraiche behalden vill noch wenich kleyne noch groiss egeyne wyss zo Ewigen dagen Id en were dan sache dat Gerhart vnse Son vurs. sturue ind affliuich wurde sonder Elige geburt Ind wir ouch affgiengen ind sturuen ind geynen Son noch Mansgeburt van vns beyden geschaffen hinder vns en liessen So sal Conegunt vnse doichter of yre reichte Lyffs Eruen dese vurg. yre Hylichs guede ynbrengen zor deillongen Ind solen mit anderen vnsen kynden ind Lyffs Eruen deillen alle yre vaderliche ind moederlige Erue ind guede dar zo sy geboiren weren So wa ind wie die geleigen weren Ind so wie man die nennen moichte nyet vyssgescheiden Ouch is gereet ind gevurwart dat wir Johan van Eynenberg here zo Landtzkrone Lysa van Langenauwe Elude ind Gerhart van Eynenberg ind van Landtzkrone yr Elige son off vnse Eruen die vurg. Hylichs guede aff loesen mogen mit Eychthondert Rynschen gulden die man asdan vort beleigen sall an ander Erue gulde ind Rente as Hylichsgeltz reicht is Ind were ouch sache da vmmer got vur syn moisse dat die egnante Conegunt vnse doichter ind Suster van doitzhaluen afgienck ayn Lyfsgeburt van deme vurg. Wynrich ind yr geschaffen So solen alle die vurg. Hylichs guede off die Eychthundert Rynsche gulden asuerre die vurs. Hylichs guede da mit aff geloist weren wie vurs. is wederumb komen ind vallen an vnss ind vnse Eruen da die heirkomen weren Beheltenisse doch deme vurg. Wynrich vnseme Eydom ind swager dan da ane synre Lyfftzucht Alle argeliste hie ynne