Beiträge zur Genealogie der adligen Geschlechter 2 (Strange)/105
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 | Heft 2 | 3 4 5 6 7 8 9 10 11 12 Inhalt | Beilagen: A B C | Berichtigungen | |
| Glossar | |
| GenWiki E-Book | |
| <<<Vorherige Seite [104] |
Nächste Seite>>> [106] |
| |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
anderen synen nutzen geuellen rechten In ind zobeheren as heren Wilhelm selige die ind dat in syme leuen gehadt ind na syme doede gelaissen hait neit davan affgescheiden noch vyssbehalden, doch myt diesen furwerden offt geuyele dat ader wanne Diederich off syne elige lyffseruen sonder nalaissende lyffseruen afflynich wurden, dat asdan dese vurs. Erffschaff vngbesweirt ind vnguerpant widder vmb steruen ind eruen sall an vns Gerhart ind Ailheiden ind Johanne vurs. off an vnsse eruen Ind want dan der selue hoff ind guet zo Pissenheym hoeffsguet is der Eirwirdiger frauwen Abdissen zo sent Marien in Capitolio bynnen Colne gehoerende vp yren hoff zo Wolresheym So han wir vur den Eirberen Scheffenen daselbs zo Wolresheym vur vnss ind vnse eruen des vurs. hoffs ind guetz zo Pissenheym myt alle syme rechten In ind zobehoere vurgeroirt vyssgegangen ind hain dar vp lutterlichen myt hande halme ind mit monde vertziegen, vysgaen ind vertziegen dar vp ouch in diesem brieue zo henden ind zo behoiff Dederichs vurs. ind synre eliger lyffseruen dye wyr ouch daran geerfft ind vnss ind vnse eruen davan zu maile vnterfft hain Eruen sy daran ind vnteruen vnss davan ouch in disem brieue in maissen vurs. Ind hain dar vmb Schoultiss ind Scheffene zo Wolresheym ind Emcke gebeden dat sy Diederich vurs. zo behoiff syn ind synre eliger lyffseruen daran beleent ind geerfft haint as desseluen hoeffs zo Wolresheym recht ind gewoende is, davan dye selue Scheffene ouch yre gewoenlige vrkunde vntfangen haint Also dat Dyederich vurs. vur sich ind syne elige lyffs Eruen as vurs. van nu vort an den vurs. Hoff Erue ind goet zo Pissenheym myt alle syme rechten In ind zobehoere vurgeroirt myt rechte behalden ind zo syme besten gebruychen ind genyessen sullen ind moigen, vnss vnsen eruen ader nakomelingen samen noch besonder geynreleye recht vorderonge noch anspraiche me dar ane zo hauen noch zo behalden zo legen noch ouch zo kieren in geynrehandewys, dan alleyne des widderfals in maissen vurs. Ind were ader wurde Diederich vurs. off synen Eruen nu off hernamails noit herup eynichs vorderen vissganges vertzichnisse ader Erffschaft dat geloeuen wyr vurs. parthyen dem seluen Diederich ind synen eruen alltzyt zo yrme gesynnen ouch zo doin na alre noitturfft Ind wurden ouch hernamails eynche me oder vorder brieue vonden