Beiträge zur Genealogie der adligen Geschlechter 2 (Strange)/103
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 | Heft 2 | 3 4 5 6 7 8 9 10 11 12 Inhalt | Beilagen: A B C | Berichtigungen | |
| Glossar | |
| GenWiki E-Book | |
| <<<Vorherige Seite [102] |
Nächste Seite>>> [104] |
| |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
moechte hie ynne vssgescheiden Ind alle deser sachen zo eynre wairen vrkunde ind gantzer vaster Erffliger stedicheit So hain wir parthyen vurs. vlysligen gebeden den durluchtigen Hogeboeren fursten vnsen gnedigen lieuen Heren Hern Gerart Hertzoughen zo Guylge zo dem Berge ind Greuen zo Rauensberg vmb want dese vurgeroirte Erue ind Erfflige guede synre gnaden leenroirige ind mansguede synt dat syne gnaden daromb desen vurs. Erffkouff bewilligt ind beliefft ind den vurg. Hern Wilhem in vrber syn synre eruen off heldere dis brieffs vurs. in vntgainwordicheit Hern Mathys van den Heysteren Ritters ind Baldewyns van Berghe genant van Blense synre gnaden manne mit den vurgeroirten Eruen ind gueden beleent ind zo synre gnaden manne darvan mit hulden ind eyden as sich geburt vntfangen Ind des alles zo vrkunde synre gnaden Segell vur an desen brieff doin hangen hait, Des wir Gerart van goitz genaden Hertzoughe zo Guylge zo dem Berge ind Greue zo Rauensberg erghien ind bekennen dat wir zo beden der seluer vurg. parthyen desen vurs. Erffkouff alsus bewillicht ind beliefft ind den vurg. Hern Wilhem ouch in maissen vurs. mit den vurgenanten Eruen ind gueden beleent ind zo vnsem manne davan vntfangen hain Darup hey vns ouch huldonghe ind Eyde gedain hait As sich geburt Belenen ind vntfangen in crafft dis brieffs vnder vnssem Segele vur an desen brieff gehangen Beheltnisse vns ind dem Edelen vnsem lieuen Neuen Hern Gerart van Loen Eyn Here zo Guylge Greuen zo Blanckenhem vnsen Eruen ind nakoemlingen vnss Rechten na luyde ind ynnehalde vnser Scheydtbrieue ind vort yedermann syns Rechten vnuerloiren Darby wir Johan ind Wilhem Woulft van Ryndorp Werner van Thurre Werner ind Wilhem van Thurre gebroidere vurs. ouch vort vnse Segelle vur vns ind vnse eruen an desen brieff gehangen hauen Ind wir Hertzouch zo Guylge ind zo dem Berge vurs. hain vort geheyschen ind beuoilen den vurg. vnsen mannen, die wir parthyen mit namen vurs. ouch gebeden hain vmb want Sy mit by desen vurs. sachen vntgainwordich geweist synt Ind die gesien ind gehoirt haint in alremaissen as vurs. steit, Dat Sy daromb yre Segele zo vrkunde mit an desen brieff gehangen haint Des wir Mathys van den Heysteren Ritter vnd Baldewyn van Berghe as manne vnss gnedigen Heren vurs. ergien ind bekennen, dat alle vurs. sachen wair synt ind wir vnse gewonlige