Beiträge zur Genealogie der adligen Geschlechter 2 (Strange)/090
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 | Heft 2 | 3 4 5 6 7 8 9 10 11 12 Inhalt | Beilagen: A B C | Berichtigungen | |
| Glossar | |
| GenWiki E-Book | |
| <<<Vorherige Seite [089] |
Nächste Seite>>> [091] |
| |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
vlatten rittere selige ind Werner syn broder vurs. vurtzyden up deme seluen gode vurg. weder Emont vamme roytgin seligen vnsen broder ind swager gegulden haint yn behoyff der Capellen van pyssenheim na lude ind ynhalt des besegelden briefs dar ouer gemacht yn synre folre macht zo blyuen Ind wir Carsselis ind Metze elude vurg. bekennen vur vns vnse eruen ind nacomelinge dat wir deme vurs. Werner ind synen eruen in gueden truwen ind in eydzstat gelofft hain ind gelouen mit diesem brieue an diesem vurs. erfpacht ind gueden recht erff werschaf zo doin ind alle rechte anspraiche aue zo doin na rechte ind gewonden des landz van gulge Ind alle vurs. sachen vaste ind vnuerbruchlich zo halden sunder alle argeliste ind geuerde Were ouch sache dat dys vurs. brieff nass lochertich off an synen Segelen gequat wurde Ind off ouch eynich wort off boystaff versat were dat ensall allet diesen brieff vurs. nyet vicieren noch ergeren Mer hie sall syn ind blyuen as eyn goit brieff der ghein zo sagen enhait Ind alle deser vurs. sachen zo getzuge der wairheit So hain ich Carselis vamme roytgin vurs. myn Segell vur mich ind Metzen myne elige huysfrauwe vurs. ind vort vur alle vnse eruen an diesen brieff gehangen Des ich metze vurs. myt mynem wist ind gueden willen in diesen sachen myt gebruychen Ind want dyt vurs. erue ind goit gelegen ind gehoirich is bynnen deme dynckmaill van hoenkirchen Ind ouch dys vurs. kouff ind alle sachen vurg. gescheit synt ouermitz die Scheffenen ind gerychte zo hoenkirchen as der vurs. guedz recht ind gewonheit iss So hain wir elude vurs. gebeden die eirbare lude die Scheffenen herna geschreuen As myt namen peter koilgin Reynart Heudum[1] Henkin Cabeler Thys Calle Henkin van Luytzheym peter gelene ind Jacob smyt alle Scheffenen zo hoenkirchen vurs. dat sy yere gemeyne Scheffendombs Inges. by dat vnse zo meyrre getzuge der wairheit alre vurs. sachen an diesen brief haint gehangen Des wir Scheffenen vurg. bekennen dat id wair is wie vurs. steit Ind vnse vrkunde da van vntfangen hain as recht is Myt beheltnisse doch vnsen gnedigen lantheren van gulge yers rechten Gegeuen yn deme Jaere do man tzalt na Cristus geburt veirtzeinhundert ind nuyn ind tzwentzich Jare des anderrn dags na vnser lieuer frauwen dage concepcio
- ↑ Dieser Scheffen heisst in andern Urkunden: Heufftumb.