Beiträge zur Genealogie der adligen Geschlechter 2 (Strange)/086
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 | Heft 2 | 3 4 5 6 7 8 9 10 11 12 Inhalt | Beilagen: A B C | Berichtigungen | |
| Glossar | |
| GenWiki E-Book | |
| <<<Vorherige Seite [085] |
Nächste Seite>>> [087] |
| |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
yairlichen pacht as myt namen eycklichs yairs besonder vur tzwa ind veirtzich malder korns duyrenre maissen die ich ind myne eruen deme egen. Werner ader synen eruen alle Jaire up sente Mertinss dach off vur sente Andreyss dage darna neste volgende vnbefangen tzo tzulpge of tzo noruenich up eyn huyss war sy willent ind vnss doin wysen van dem besten gewass by Sees pennyncgen na hantreychen geuen leueren ind betzallen solen sonder asdan eyncherleye vertzoch indracht ader wederrede Ouch is gered ind gevurwert off sache were dat der vurs. hoff des got nyet enwille van des vurs. Juncher Werners ader synre eruen schulden afgebrant wurde So en solen wir yn dat neste Jaere na deme vurs. brande gheynen pacht gheuen noch betzallen Ind were sache dat ich Johan Wyseman vurs. of myne eruen an betzallongen ind leuerongen des vurs. yairlichen pachtz eynchs yairs up die vurs. tzyt ind termyne versumelich ind bruchlich vonden wurden id were an eyme deyle of an tzomaille ind nyet en betzalden gelych vurs. steit So mach ind sall der egen. Juncher Werner of syne eruen yere hende an die vurs. guede slain ader doin slain ind die na yn nemen id sy bewegelich off vnbeweglich so wie dat da up iss off vyss deme vurs. gode geit ind dartzo myt alle synre besserongen Bys tzortzyt ind asslange dat wir yn ader yeren eruen van der betzallungen ind vort van allen kuntlichen mogelichen schaden da van gentzlichen ind volkomentlichen genoich gedain hain Ind asdan so solen sy vnss weder tzo deme vurs. gode laissen komen sonder eyncherleye wederrede Also dat wir ouch asdan vort die vurs. erue ind guede buwelichen halden ind die vurs. pechte betzallen solen in der maissen as vurs. steit Ouch so solen vnss der vurs. Joncher Werner ader syne eruen verdedingen tzo rechte an deme vurs. gode na alle yerre macht ind moegden sonder argeliste Ind sy solen ouch mir Johanne vurs. ader mynen eruen alle Jaere eyne kugel geuen of tzwa marke dar vur Ind daromb so solen wir der wyer warden ind tzo gueder tzyt wesseren ass sych dat geburt vyssgescheiden alle argeliste Ind deser dincge tzo getzuge der wairheit hain ich Johan Wyseman vurs. gebeden die vromen ind eirbair myne Lieue Juncheren Joncher Yoirdain Muille Here tzo Syntzich ind Joncher Cointz van Wyss da sy yere Segele vur mich ind myne eruen an desen brieff haint gehangen Des wir Yoirdain Muylle Here