Beiträge zur Genealogie der adligen Geschlechter 2 (Strange)/084
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 | Heft 2 | 3 4 5 6 7 8 9 10 11 12 Inhalt | Beilagen: A B C | Berichtigungen | |
| Glossar | |
| GenWiki E-Book | |
| <<<Vorherige Seite [083] |
Nächste Seite>>> [085] |
| |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
Schoeman der vurs. Metzen doichter tzo wyue hait Item so hait der vurs. onse Juncker Werner ouch by synre tzyt tzwae kurmoeden gehauen van Heynrich deme smede ind syme soene Michel tzo Gemunde van der hoiffstat dae hye up sytzt dye dae genant is der Hitzerich Item so is deme vurs. onsme Juncker Werner eyne kurmoede gevallen van Henckyn van Mauwel van eynre hoiffstat dye dae genant is dye Roiste dar tzo dat ghehoerich is eyn stuck erffs genant dye steynkule Ouch so gedenckt ons waile ind is ons kundich dat tzwene doitslege geschagen tzo Mauwel der eyn up den vurs. mantzgoeden ind der ander yn der straissen tzo Mauwel Ind dat dye gerycht ind gebessert worden an deme Hoegericht tzo Drynboren Ind want alle dese vurs. sachgen wair ind ons kundich synt ind wir scheffen vurs. vur recht gewyst haent yn aldermaissen so we vurs. steit — — — des wir tzo getzuge der warheit — onse scheffen Segel an desen breiff gehanghen haen — — Gegeuen yn den Jaeren ons Heren MCCCC ind XXV. Jair up sent Julianen dach der Hylger Juncfrauwen
15. Reversale des Erzbischofs Diederich für Werner von Vlatten in Betreff des verpfändeten Schlosses Altenahr v. J. 1426.
Wir Dederich Ertzbusschoff zo Coelne Hertzouge in Westfalen ind zo Enger Doin kunt ind bekennen vur vns vnse nacoemlinge ind gestychte Also as wir Wernher van Vlatten vnse ind vnss gestychtz Sloss zo Aldenaer mit syme zobehoere zo eyme vnderpande ingegeuen ind versat haen na lude eyns besegelden briefs den wir yem dar oeuer gegeuen haen da wir vns ynne behalden haen in eyme punte dat alsus luyt Beheltnisse vns doch vnser offenongen zo vnsen noeden in dem vurs Slosse Ind sonder schaden des vurs. Wernhers ind synre Eruen vssgescheiden weder die hyrschaff van Gulge Also syn wir mit dem vurs. Werner oeuerkomen dat wir noch vnse nacoemlinge noch nyemantz van vnsen wegen eyncher offenongen off vntheltnysse gesynnen of vorderen solen an dem vurs. Werner of an synen Eruen Ind haen asdarumb yem ind synen Eruen van der vurs. offenongen of vntheltnysse vns Sloss vurs. loss leidich ind qwyt geschoulden Sonder dat wir egeyne offenonge noch vntheltnysse weder nyeman forderen noch soecken en soelen an dem vurs.