Beiträge zur Genealogie der adligen Geschlechter 2 (Strange)/073
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 | Heft 2 | 3 4 5 6 7 8 9 10 11 12 Inhalt | Beilagen: A B C | Berichtigungen | |
| Glossar | |
| GenWiki E-Book | |
| <<<Vorherige Seite [072] |
Nächste Seite>>> [074] |
| |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
dey gemeyne gesworenen zu Thumme want alle dese vurs. sachen oeuermitz sy gescheit ind bekant synt dat sy yre segel ouch an desen brieff willen hangen Dat wir Goebel Copgin ind Teilgin Scheylart Ind vort wir gemeyne gesworenen zu Thumme bekennen dat alle dese vurs. sachen vur vns gescheit ind bekant synt Ind hain wir des vnse volle vrkunde pennynge entfangen as recht is Ind want wir geyn segel en hain So hain wir gebeiden ind bidden Junker Johan van Vlatten dat hey syn segel vur vns an desen brieff wille hangen Beheltnis vnsme lantheren syns reichtz Dat ich Johan van Vlatten vurs. kennen gedain hain vmb beden willen der gesworenen van Thumme gemeynlichen Gegeuen In den Jairen vns Heren dusent veirhondert ind seuen Jaire up sente Thomais Auent des heiligen Apostolen
9. Erbtausch zwischen Wilhelm von Vlatten Ritter und Werner von Vlatten vom J. 1416
Kont sy allen Luden dat ich Wilhelm van Vlatten Ritter ind Johanna myne elige Huysfrauwe eins Kuytz ind Wyssels ouerdragen syn voir vns ind vnse eruen mit Werner van Vlatten mynen Broeder ind Swager ind synen eruen Alsoe dat wir ind vnse eruen eynen Busch behailden soilen ind heist der Hane alleyne die vns samen erstoruen was van dode vns vaders deme got genade Ind dair intghegen hain wir den voirscr. Werner gegeuen ind bewyst Tzeyne malder Rocgen durenre maissen erfflich Renten ind gulden ind geuen ind bewysen op soilchen steden dair wir die geldens hatten as herna bescreuen steyt Item in deme eirsten Seuen malder Rocgen die wir gegolden hatten wieder Karsilis van Eresheim ind bewyst syn an Bende ind an Landt as die Brieue dat ynne haildent die wir dair op sprechende hatten Item zwey malder Rocgen die Arnolt Mulart vnse swager ind Broeder verkoufft hatte Johan Brucken ind bewyst synt an Busch na vysswysonge eyns brieffs den hy dair op sprechende hatte den wir van den voirscr. Johan Brucken beschotte ind geloist hain die selue voirscr: Brieff van Karsilis ind ouch Johan Brucken die wir voir vns ind vnse Eruen Werner mynen Broyder ind synen eruen Eynen rechten voyrderer ind Helder gemaicht haint In der maissen as dat voirscr. steit Ind hain yme dair zoe bewyst noch eyne malder