Beiträge zur Genealogie der adligen Geschlechter 2 (Strange)/067
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 | Heft 2 | 3 4 5 6 7 8 9 10 11 12 Inhalt | Beilagen: A B C | Berichtigungen | |
| Glossar | |
| GenWiki E-Book | |
| <<<Vorherige Seite [066] |
Nächste Seite>>> [068] |
| |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
eruen dat ich mit vurdachtme rade ind gueden moitwillen in rechter kouffmanschaff rechelich ind reydelich verkoufft han ind verkouffen oeuermytz diesen brieff Wernher van Vlatten synen eruen off helder dis brieffs mit synen willen alsulchen houff Erue ind guyt mit all syme zo behoir neyt da an vssgescheyden nass noch druyge cleyn noch groess so wie ich den vurs. hoff zo vnsser vrauwen Woluesheym gehat han Ind in den seluen vurs. houff gehoerich is hondert morgen artlands so wie die geleygen synt alda in deme velde Ind ich sy ouch gehat han vmb eyne reydeliche summe geltz die mir de vurs. Werner van Vlatten gentzlichen guytlichen ind waell betzaelt hait zo myme nuytze ind orber ind gueden staden Ind ich Wernher van Erisheym vurs. schelden den vurs. Werner van Vlatten ind seyne eruen der vurs. summe geltz los leidich ind quyt zo ewigen dagen Ind ich Wernher van Erisheym vurs. han mich enterfft ind myne Eruen Ind han den vurs. Wernher van Vlatten ind syne eruen off helder dis brieffs mit synen willen dar an geerfft als erffs recht ind geweynlich is Ind han dat gedaen up alle den Enden ind steden da man des vurs. houffs Erffs ind guytz van rechte vss sall gain Ind han dar up vertzygen ind vssgegangen mit halme ind mit munde oeuermitz die Edell vrauwe Irmgard van Schoenecke Abdisse zo sente Marien Malsbuchell in Collen ind yre man Want de vurs. houff Erue ind guyt yre mansguyt is Ind ich Wernher van Erisheym vurs. geloeuen in gueden truwen ind in eydzstat vur mich ind vur myne Eruen den vurs. Wernher van Vlatten ind syne eruen off helder dis brieffs mit synen willen an deme vurs. hoeue Erue ind guede neit zo hinderen noch zo krudden mit worden noch mit werken in geyncher wys Alle argelist ind behendicheit alreley vunde alzo maell vssgescheyden in allen vurs. sachen Ind dis zo eyme gantzen getzuge der wairheit alre vurs. sachen so hain ich Wernher van Erisheym vurs. myn segell vur mich ind myne Eruen an diesen brieff gehancgen Ind han vort gebeyden die Eydell vrauwe Irmgard van Schoenecke abdisse zo sente Marien vurs. in Collen Want dis vurs. houff Erue ind guyt yre mansguyt is dat sy yre segell by dat myn an diesen brieff wille hancgen zo getzuge der wairheit alre vurs. sachen Des wir Irmgard van Schoenecke abdisse vurs. bekennen dat wir vmb beden willen Wernhers van