Beiträge zur Genealogie der adligen Geschlechter 2 (Strange)/065
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 | Heft 2 | 3 4 5 6 7 8 9 10 11 12 Inhalt | Beilagen: A B C | Berichtigungen | |
| Glossar | |
| GenWiki E-Book | |
| <<<Vorherige Seite [064] |
Nächste Seite>>> [066] |
| |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
5. Werner von Torre genannt von der Zyntzelsmair verkauft dem Werner von Vlatten seinen Hof zu Nörvenich im J. 1400.
Allen luden dy desen bryff syn horen off lesen Ich Werner van Torre dy man sprych van der Zyntzelsmair knape van wapen Doin kunt ind bekennen vur mych ind myn eruen ouermytz desen offennen bryue dat ych ouermytz rade mynre vrunde ind vurbedachtme guden muytwyllen merre schaden zo erweren In gerechter koyffenschaff reydlych ind rechlych verkofft hain mynen Hoff ind al myn erue ind guyd korngulde pennynghgelt was Cappun honre So wy ich dat haue ind gelegen ys druge ind naz ind so wy man dat nennen mach ind vynden in deme dynckmale zo Noruenych myt deme zeynde alleyne vysgescheyden dy molne Werner van Vlatten synen eruen ind behelder des bryeffs myt yren wyllen erfflych ind ewychlich vur eyn summe geltz dy mir dy vurges. Werner wail bezailt haid zo myme nutze orber ind guden staden also dat ych mich van ym dar van bedanke Ind schelden den vurg. Werner ind syn eruen vur mich ind myn eruen dan aff loz ledych ind quyt Ouch gylt man vyzer desme vurg. gude ind erue mynen broder Gysen van Torre ind synen eruen iars zwelff coltz (Cölsche) malder roggen as van eynre deylingen Ind wand dyt vurg. erue ind guyt eyn deil ys hoyffsguyt vns lyuen gnedyghen Heren van Guylich ind van Gelre Here zo Munster Eyfflen Ind eyn deyl der Heren van sent Apostolen zo Collen So byn ich des vurg. erues ind guytz na gewonten lantrechtz vns lyuen gnedyghen vurg. Heren vyssgegangen vp alle dy steden dar et rorenre ys Vur den hoffsluden ind sunderlychen vur den scheffen van Noruenych dy da man syn van beyden vurg. houen ind gesworen Ind hain mych ind myn eruen dar an interuet Ind hain den vurg. Werner syn eruen ind behelder des bryeffs myt yren wyllen an dyt vurg. guyt ind erue geeruet ind rechte werschaff gedain Vundemen (fände man) ouch dat dyt vurg. erue ind guyt an eycheme anderme Heren rorende were So gelouen ich Werner van Torre vurg. in guden truwen vur mich ind myn eruen Werner vurg. synen eruen ind behelder des bryeffs myt yren wyllen des vurg. erues ind guytz eynen gychtygen leyn heren zo machen vp alle dy stede dar et rorende