Beiträge zur Genealogie der adligen Geschlechter 2 (Strange)/062
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 | Heft 2 | 3 4 5 6 7 8 9 10 11 12 Inhalt | Beilagen: A B C | Berichtigungen | |
| Glossar | |
| GenWiki E-Book | |
| <<<Vorherige Seite [061] |
Nächste Seite>>> [063] |
| |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
Vort so gelouen ich Lodewych vurg. Wylhem ind synen eruen in guden truwen den bryff weder zo geuen den ich haue van Dam Busch sprechende vp dy vurg. zwey malder Roggen Ind gelouen ym vort rechte werschaff dar an zo dunde Ind vmbe dat Wylhem ind syn ernen deser vurg. sachen sycher synt So hain ich Lodewych ym vur mich ind myn eruen den vurg. Dam Busch vur den vurg. principail bryeff ind werschaff zo dunde zo burghe gesatz ind setzen Des ich Dam Busch gein ind bekennen dat ich mich an burschaff verbunden hain vur Lodewych van Stockheim in Wylhems hant van Vlatten ind synre eruen, als ym den bryff weder zo geuen den Lodewych vurg. van mir sprechende hait vp dy zwey vurg. malder Roggen, ind vort deme vurg. Wylhem ind synen eruen rechte werschaff zo dunde als erues recht ys butzen alreleye argelist, Des zo orkunde ind warheide deser vurg. sachen so hain ich Lodewich vurg. mynen sygel vur mich ind myne eruen gehangen an desen bryff, Ind hain vort gebeden Daym Busch dat he synen sygel zo orkunde ind warheide deser vurg. sachen wylt mit mir hangen an dysen bryff Des ich Dam Busch vurg. gein ind bekennen orkunde myns sygels ind vmbe dat ich burghe byn worden deser vurg. sachen ind myr kundych ys als vurg. ys zo orkunde ind warheide vmbe beden wylle Lodewyches van Stockheim hain mit ym gehanghen an desen bryff Vort vmbe dat Wylhem van Vlatten ind syn eruen alle deser vurg. sachen sycher butzen eyngherkunne firpel ind hulpe off beschudnisse vnser off ymans van vnsen weghen synt So haue wyr beyde samen Lodewych ind Dam Busch gebeden ind bydden dy scheffennen van Noruenich dat sy yren gemeynen scheffens stuyl sygel zo orkonde warheid ind merre sycherheid deser vurg. sachen wyllent mit vns na hanghen an desen bryeff Des wyre scheffenen van Noruenich gein ind bekennen dat wyr vnsen gemeynen scheffens stuyl sygel vmbe beden wylle Lodewychs van Stockheim ind Dam Busch van Noruenich zo orkunde ind