Beiträge zur Genealogie der adligen Geschlechter 2 (Strange)/032
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 | Heft 2 | 3 4 5 6 7 8 9 10 11 12 Inhalt | Beilagen: A B C | Berichtigungen | |
| Glossar | |
| GenWiki E-Book | |
| <<<Vorherige Seite [031] |
Nächste Seite>>> [033] |
| |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
eyne weder legonge gelych vp dye dusent gulden hie vur geschreuen steit Ind da mit so sall ouch dye selue Greetgyn off yre lyfsgeburt vurs. zomaille afgescheiden syn van alle deme gude bewegelich ind vnbewegelich gereit ind vngereit nyet da van vysgescheiden, So wie yre vader ind moider dat zo samen besessen ind gehadt hetten ind na yrre beider doide lieszen. Mar vele eynich byvall da van sall Greetgyn vurs. vnuerzegen syn. Were ouch sache dat Greetgyn der vunfthondert gulden na doide vader ind moider in maissen vurs. nyet nemen en weulde So mach Sy asdan yre dusent gulden Hylichsgeltz vurs. Inwerpen Ind asdan zo gelycher deillonge mit Ingain mit anderen yren Broederen ind Susteren die dan in leuendigem lyue weren as dat lant Reicht ind gewoende is Desgelychs were sache dat Johan van Plettembracht ind yrmgart vurs. beyde samen sturuen ind affliuich wurden Ee Heynrich yre Son vurs. So mach ind sall Heynrich off syne Elige lyfsgeburt van yem ind Greetgyn vurs. geschaffen, dye asdan in leuendigem lyue were, den kur hauen as eyme Elsten Soene geburt Tuschen den zwen woeningen zom Steyne ind Nederousheym as dat der lande Reicht ind gewoende is da dye vurs. woningen gelegen synt hie mit Soillen ouch Heynrich ind Greetgyn ind yrre beider lyfsgeburt, van yn beyden zo samen geschaffen, dye vurg. yrre beydere vadere ind moedere Ind dye leste hant van yrre yeckligem gerast ind geroit ind vngehindert laissen blyuen sitzen an alme erue ind gude bewegelich ind vnbewegelich So wie die yrste steruende hant der lester leuendiger hant van yn allen Sulchen Erue ind guede na yrme doide liessen Ind dit allit Ain eyniche off yemands wederreide Oeuer desem Hylige ind Hylichsvurwarden vurs. synt geweist van beiden parthyen vurs. dye Eirsamen Scheyuart van Meyroide here zo Heymersberg Thoenis van Oirsbeke here zo Oilbrucke Ailff van Roide genant Ketzer Rutger Raitz van Vraentze ind Gerard Vell van Weuelkoyuen als Hylichslude vrunde ind maige van beyden syden darzo geheischt ind gebeden — — — Gegeuen ind geschreuen In den Jaeren vnss heren duysent vyerhondert Zwey ind drissich Jair vp den Gudestach nyest na sent Matheus dage des heyligen Apostolen ind Ewangelisten