Beiträge zur Genealogie der adligen Geschlechter 1 (Strange)/089

synt ain argelist Vnde der vurs. Joncker otte oder syne eruen sullent ind mogent die vurs. wyngart sementlichen ind yeclichen besonder alle Jair mit den schutzen oder anderen Erberen wyngartz luden laissen beseen aiff die wyngart vurs. also gemyst geprofft gearbet vnd bereyt syn wie vurs. steyt van pontten zo pontten vnde weren sy nyet also gemist geprofft noch bereyt wie vurs. steyt So sullen wir die schare des Jairs verloren han van den vurs. wyngart vnd sullen noch dant die wyngart die tzien Jair uss halden in maissen vurs. steit vnde were sache dat die schare des Jairs nyet as gut in were as der myssbuwe so erkesen wir ouermitz dysen brieff das man as dan alle Jair wanne des noit geburt deme vurs. Joncker otten oder synen eruen as dar vur zo Irme gesynnen rechten sal van alle vnse gut dat wir han in vnses Heren gerechte van Colne gereyt vnd vngereyt Sonder allerhande vurzoch werentlichs gerechtz zo andernach vnd alle argelist sal in allen vurs. Sachen ussgescheyden syn In vrkonde vnd getzuge dyser vurs. dinge han wir gebeden Erber scheffen zo andernach dederich van berentzheym vnd Conrait mangolt dat sy ere Ingesigel an dysen brieff hant gehangen Des ghien wir vurs. scheffen das dat wair ist Datum anno domini Millesimo quadringentesimo quinquagesimo tercio sexta die mensis Julii

Siebente Urkunde vom J. 1454.

      Ich Henne mutter vnd Nese syn elich wyff burgere zu Andernach wir don kunt allen Luden vnd Erkennen vns vffencliche in dysem brieue dat wir Intfangen han vnd Intfayn ouermitz dysen breiff vmbe den vesten Juncker Otten Walpoden van Bassenheim vnd Junffer fyhen syne eliche huyssfrauwe alsulge yre wyngarte herna geschreuen gelegin in Andernachir marken zeyn Jair lanck nyst na eynander volgende na datum dys breiffs Eynen wyngarten vff dem gyrssberge by dem vurs. Juncker Otten vnd helt eyn halff virdel Eyn wyngart an dem gyrssberge thusschen den marienstederen vnd geirlach wilbort vnd helt eyn virtel Eyn wyngart an deme Rennewege by Joncker Johan van ketge vnd helt anderhalff virdel Item Eyn wyngarten by sente Meirtin thusschen den marienstederen vnd Elfgin beyers vnd helt eyn virdel Also dat wir dy vurs. wyngarte dy vurs. Jairzalen vz buwen vnd buwelich halden vnd