Beiträge zur Genealogie der adligen Geschlechter 1 (Strange)/082

dan hyr vur erkleyrt ist der artickell dess byslayffs genompt zo Drymborne geschen sall doch dayr inne geyn eyrthom in entsthe sall sulcher byslayff an enden wie sich dan beyder deylss vrunde dess eynen Maent odder zwene zouorn verdregen vngeuerlich gehalden ind vollenzoegen werden datum vt supra

---

VII. Brief des Ritters Bertram von Nesselrode an Coen von Eynenberg v. J. 1505.

(Zu Seite 59.)

      Mynen vruntlichen dienst zuuoir Besonder lieue Swaiger so Ir myr ytz geschreuen beroeren de Edell Jonffern Johannet Wilt vnd Ryngrauerynne dat ich da Innen helffen Raeden dat de sache zom kurtzsten ende moichte komen So ist myn gnedige lieue Here vnd myn Joncher van Isenburg neit In lendich as Ir wyst so dat ir sy vff eyn kort da myt neit versorgen en kondt dar vmb moist ir ander wege vur nemen da ir sy myt versichert dat de sache eyns eyn ende krege Vnd de XXV gulden de ich ir Jairs geuen sall will ich bestellen myt myme knechte zo Cruytzberg dat ir de Jairs werden sullen vnd ich schicken vch alhie eynen Zedell den wilt doch myme knechte zo kruytzberg schicken dat hey anstont zo myr kome myt dem will bestellen dat sulchs Jairs gegeuen sall werden suyst wilt ir voll lieden vnd versicheren dat de frunde beduncken gnoich sy will sy des dan neit nemen vnd irem sone Ryneck oeuerleueren so wilt vch neit langer myt woiden vff laissen halden vnd laissen doyn In maissen as man im zo Lynss aff gescheiden ist vnd nemet mynen Jonchern van ysenburg vnd Leyen zo vch darby vnd wat ir doyt dat doit ouermitz de seluen dan Ich wuldt gern by vch komen syn dan myr ist botschafft komen dat Ich dese wech zo houe moiss der ffranssoissen haluen dat Ich neit zo vch komen kan Wa myt ich vch suyst ffruntschafft vnd willen bewysen moecht byn Ich gantz gneigt vnd wae ir myr suyst anders wat wuldt so vondt Ir mych zo houe zo Caster Ouch lieue Swager bedunckt mych guyt dat Ir mynen Jonchern van Isenburg myn Jonffer van Ryneck vnd Leyen anstont zo Bryssich beschiedet vff dat man der sachen eyns eyn ende krege vnd foigt vch ouch darby vnd