Beiträge zur Genealogie der adligen Geschlechter 1 (Strange)/070

zo erfpaicht hadde vur zwey ind drissichste half malder roggen Vort sall mir Werner van Palant van vnser vurs. erfschaff zogehoeren ind blyuen, der hoff ind husincge zo Vrechen mit der heirlicheit ind gerychten hoege ind neder mit artlande beenden busschen pechten zynsen capnynen hoynren ind pennyncksgelde ind mit alle synen In ind vys geldcn ind zogehoere Vort den hoff ind artlant zo Kirchherten mit syme zobehoere Item den paicht in dem Roedhoultz by Houltzwylre ind an Wymmar van Kuckhem den paicht doch hie ynne vysgenomen dat die van Maylberch ind myn sustere van Witheym yre deyll an desen zwen guden behalden sullen Vort sall ich Werner hauen die Rente ghulde ind erftzaill van Ychendorp van Kerpen ind van Blaitzheym also as vnse vader selige da zo hauen plach Item zo Barmen au Maes Spryncgen as syme eruen ind die andere cleyne peichte daselfs Item zo Erclentz zo Koedinchouen ind da vmblangx ind vp der Baelen die zynse peichte capuyne hoynre pennyncksgelt kurmeden mit alle yrme zobehoere Item dat lant ind ynkomen peichte capuyne kurmeden ind pennyncksgelt zo Kalroide as myn vader selige na Scheyfartz myns swagers bewysoncgen da behalden hait Item zo Morcke an Schrammen hoyue zwentzych marck erflichs geltz Item zu Weltze an Johanne vp den Wyer vunff malder roggen mit den andern capuynen hoynren ind pennyncksgelde zo Weltz Item dat guet zo Mertzcnhusen dat Joris van Kurle zo syn plach Item zo desen vurs. gueden Sall ich Werner noch hauen hundert gulden Jairghuldcn, den gulden zo veirderhaluen marck so an korne so an gelde vysser sulcher pantschaff as Thonis van Palant ind synen gedelincgen mynen neuen ind nychten vurs. zogehoirt mit namen an dem veirdendeyle zo Pyrne ind zo Marken dat vnse gnedige Here van Guilche ind van Blanckenheym myme vader seligen verpant hait vur zweydusent gulden, da an Ich Jairs vunftzych malder korns ind vunftzych gulden vurs. guilcher peyen (pagament) hauen sall bis mir die

---