Beiträge und Material zur Geschichte der Aachener Patrizier-Familien, 1. Band/108
| GenWiki - Digitale Bibliothek | |
|---|---|
| Beiträge und Material zur Geschichte der Aachener Patrizier-Familien, 1. Band | |
| <<<Vorherige Seite [107] |
Nächste Seite>>> [109] |
 | |
| Hilfe zur Nutzung von DjVu-Dateien | |
| Texterfassung: unkorrigiert | |
| Dieser Text wurde noch nicht korrekturgelesen und kann somit Fehler enthalten.
| |
vorbehalten gefallen sein, Vnd wiewol wir die gedachten des newen Rats, vnd gemainde, Irer ferrer vngehorsam halb, so Sy nach vberanttwurtung des berurten vnnser Mandaten, auch beganngen, Als sich das aus beschehem furtrag klerlichen erscheint, in all, vnd yeglich peen vnd straffen, in berurten vnnsern Mandaten verleibt gefallen sein, Ytzo auch erkhennen, declariern, vnd denuctieren[1] mochten, So wollen wir doch zu vberfluss, aus kayserlicher miltigkait, vnd gnaden hanndlen vnd ernennen demnach denselben des newen Rats, vnd der gemainde zu Ach, hiemit amen tag Nemlich auf den zwelfften tag des Monats Juny schirist kunfftig, Also das Sy zwischen datum diser erkanntnus, vnd demselben tage, den obbestimbten vnnsern Mandaten ausserhalb dem souil Petern von Enden der gefengknus peinlichen frag geltstraff, vnd anders an Im begangen berurn mocht, nochmals in allen vnd yeden andern puncten, vnd Artigkln, on ainich weitter verziechen, vnd einred, gehorsamlich leben, Vnd nachkumen, vnd auf den zehennden tag des Monats July schirist kunfftig, durch sich selbst, oder Ir volmechtig Anweld, vor vnns oder vnnsern HofReten, erscheinen, vnd on ainich weitter einred, genugsamlich antzaigen sollen, das Sy den obangetzaigten vnnsern Mandaten ausgeschaiden souil Petern von Enden belangt wie obgemelt gelebt, vnd gehorsam erschinen sein, vnd wo Sy das nit teten, sich an weitter Excepcion einred, vnd ladung zu sehen vnd zu horen, in die pen, in obgmelten mandaten bestimbt, gefallen sein zu erkennen, zu erkleren vnd zu denunctiren, Dan auf der vom alten Rat klag, die Restitucion belangend erkennen wir zu Recht, das die von dem newen Rat, vnd der gemain der Stat Ach vnangesehen Irer furgewennten Excepcion auf dieselben klag Inmassen Inen vormals durch etlich interlocutoria aufgelegt ist, zu anntwurten schuldig seyen, Vnd Sy thunn das oder nit, sol ferrer geschehen was Recht ist, Auf die klag betreffennd die erledigung des Ayds, So gedacht des alten Rats gethan haben, erkhennen wir zu Recht, das die gemelten des newen Rats, vnd gemain zu Ach, die berurten des alten Rats solher Ayd zu erledigen, vnd frey zu stellen schuldig sein, Vnd Sy thun das oder nit, sol auch geschehen was Recht ist, Vnd dann betreffend die Attemptata durch die gedachten des newen Rats, vnd gemaind in ainer gegenklag furgewenndt erkennen wir zu Recht, das solh Reconuencion vnd gegenklag noch zur zeit nit stat haben, noch zugelassen werden sol, Mit vrkuut dits brieffs besigelt mit vnnserm Anhangendem Insigel, Geben in vnnser Stat Lynntz am Achten tag dits Monats Apprilis, Nach Cristi geburt
- ↑ So das Original.