Beiträge und Material zur Geschichte der Aachener Patrizier-Familien, 1. Band/106
| GenWiki - Digitale Bibliothek | |
|---|---|
| Beiträge und Material zur Geschichte der Aachener Patrizier-Familien, 1. Band | |
| <<<Vorherige Seite [105] |
Nächste Seite>>> [107] |
 | |
| Hilfe zur Nutzung von DjVu-Dateien | |
| Texterfassung: unkorrigiert | |
| Dieser Text wurde noch nicht korrekturgelesen und kann somit Fehler enthalten.
| |
zo doyn, doyn, durch mich selbs oder yemandt anders von meinen wegen, verschaffen gethun zu werden, In keyner weyss so wie die erdoicht were off omerme erdoicht mocht werden mit Recht off sonder recht Dann hette yedt spruchs oder Redenen zo Inchen diser Stat burger offe Ingesessen das soll vnd will ich mich allzeit mit diser Steide Reicht oeffongen vnd gewoenden geistlichs vnd weltlichs rechten guetlichen lassen genugen sonder dat foyrder mit Intherekoime vyswendige Reichten vur zu nemen offe zu suechen Vnd were auch sach yemant hie were wer der wer der Inniche claicht supplication ouer mich dem Ersamen Rait praesentirt hette offte yet anders So wie dat dan gestalt ader geheyschen were zu mir zu sprechen hette, dem off den sall vnd will ich auch alles geburlichen Rechtes sonder Indraicht in dieser Stat staen vnd halten. Furtter hab ich auch gesworen vnd gelobt, dat ich aus diser Stat nit gan noch mich nit aifhendich machen ensol idt in sy mit wissen oyrloff vnd wille der Burgermeister vnd des Rats vnd offt sach were Ich vysser diser Statt were, vnd man mynr vnderwys vnd bescheidt zu geuen behoffde, vnd mich darumb beschrieue oder vnibeede so soll vnd will ich allzeit sonder verzoch zo ersten gesynnen der Burgermeistern des Raits vnnd gemeiner Gaffelen in dise Stat komen vnd des jhenen mich kundich vnd wissich ys von mir geuen Gelych ich dat vnd alle vurg. punth also tastende In hende der Burgermeister als vurmonder der Statt vnd ganzer gemeinde gesichert vnd geloyfft hauen vnd noch mit vpgereckten vyngern zu got vnd seinen lieben heiligen gesworen vast stetde vnd vnuerbruchlich zu halten Sonder argelist. Vrkhunde der warheit hab ich Peter vurg. meynen segel vur an disen brief gehangen vnd voyrder zu gestentenis vnd gezuyge der ganzer warheit gebetten vnd pitten die Ersamen vnnd froymen Heinrich Raicket Thys Raidermeicher Jacob von Euchen vnd Michel von Euchen myne lieue sweger vnd gute frunde dat sy Ire siegel zer konden neynen dat. myne willen an disen brief hangen des wir Heinrich Thys Jacob vnd Michel gestaen zer beden vnsers lieuen swegers vnd gueden frundes gern gedaen hauen vnd vnnseren Siegl an disen brief gehangen. Gegeben Im jar vnnsers herren Tausent funffhundert vnd dreizehen des Eylfften tags July.
Nach einer Copie, welche sich in den Acten der zur Untersuchung über die bürgerlichen Zwistigkeiten zu Aachen im Jahre 1513 bestellten kaiserlichen Commission auf Seite 35 ff. befindet. Das Protocoll der erwähnten Commission ist im Stadt-Archive zu Aachen auf bewahrt.